ماشاء الله تبارك الله يوجد بالموضوع ردود انثوية واقعية وكلها منطق .. دليل أن مجتمعنا لسى بخير وأن البعض لازال يتهم النساء بأنهم مبذرات ويدخلون من يعولهم في ديون من اجل التكشخ !!
بس فعلا الطرح واقعي ، اعرف وحده ماتسافر نهاية الصيف الا ومعها شنطة ثانية غير شنطتها مخصصة للهدايا لامها وخواتها وباقي عائلتها بينما زوجها مسكين وقاعد يتسلف من فلان وعلان عشان يرضي غرورها .. طيب اذا الزوجه عقلها صغير وين دور الرجل القوّام اللي يعرف يتصرف في بيته بحكمة ويدير اقتصاد عائلته .. ليه مايصير في اولويات في حياتهم ويبدون الاولى عن الاولى ، يعني اللي عندهم سيارة بدون اقصاد وبيت ملك ومأمنين مستقبل عيالهم هذولا ماينطبق عليهم هالكلام لأن الله يحب أن يرى نعمته على خلقه بدون اسراف ، لكن اللي ساكنين اجار وسيارتهم اقصاد ومتقروشين بالديون وفوق هذا يعملون التزامات من راتب الزوج لناس برى البيت مالهم اي عائد بالفائدة على العائلة الا الخسارة ، وليتهم يشكرون !
بالنسبة لرأيي .. ان المرأة هي من تزيّن فستانها وليس العكس .. تستطيع أن تخلق اناقتها بفستان قيمته 300 ريال مثلا وتكمل معه اكسسوارات رخيصة وذوق بنفس الوقت وتسرح شعرها وتزين مكياجها بنفسها وراح تطلع فتنة الحفلة .. وبكذا تكون ارضت غرور نفسها وكسبت رضى زوجها وغيّرت من تفكير النساء وقناعتهم الغلط بأن المرأة لا تكون فتنة الا بالغالي ، أما من ناحية ان الفستان في كل حفلة لازم يتجدد فأعتقد لو انها تلبس مثل الرجل ثوب ابيض مافرقت لكن مافي مانع تجدد بحياتها ولبسها واناقتها في حدود امكانيات من يعولها لأن هذي ثقافة بين النساء وتعجبني السيدة المتجددة عن المحبة للروتين حتى في ملابسها
شكرا اخوي على طرحك .!