[عبدالمجيد الزهراني]

ملاحظة مهمة قبل القصيدة:
لست من هواة المدح , لكن من لايشكر الناس لايشكر الله , والعقيد محمد علي الحريري الزهراني , نموذج حيّ ونادر لأحد ابناء زهران القياديين , لكنه ليس كالقياديين الذين يتصفحون الجرائد ويشيحون بوجههم عن خدمة ابناء قبيلتهم من خلال مناصبهم , بل هو من القياديين الذين فتح الله على يدهم بيوتاً وأرزاقاً لعشرات الناس , قريبهم والبعيد.
كلما رأيت او سمعت عن مايقدمه هذا الرجل للناس , كلما عرفت كم هو مظلوماً , وكل من يعرف اباحاتم من قريته ومن قبيلة بني حرير يعرفون صحة ما اقول , حول هذا الرجل النموذج خلقاً وتعاملاً وخدمة للناس .
ربما القصيدة تقول مالا اقول, وهي حصريا لكم احبة منتدى زهران.

مفتوح جواله ومشغول رقمه
_____________

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
عيني تخايل بالسما غيم لعاج= والبرق نوره شقق ثياب عتمة
يسقيك يانجد البعيدة بثجاج=الين يروي واحد العود حزمة
سلام مارجرج في البحر رجراج=ومالطم موج المحيطات لطمة
وعدّ ماههودج من البدو هوداج=وعد مافي زحمة الصيف زحمة
وعد ماتتكحّل عيون دعّاج=وعدّ ماخطّ احمر الروج بسمة
وعدّ ماقامت تغنّج تغنّاج=وعدّ ماتتلثم بنصّ لثمة
وعدّ ماقال الحرم : ( حجّ ياحاج )=وعدّ ماهفهف على الغصن نسمة
منّي سلام الله على ستر الاعواج=محمد اللي يعرف الناس حجمه
الكتف ماهوكتف لومالبس تاج=والتاج ناقص دون نجمة ونجمة
عقيد في ربعه بمبدأ ومنهاج=وعقيد في كرسي تشرّف بجسمه
ريف الضعوف ومحفظة كل محتاج=بوحاتم اللي نقمة ايديه نعمة
اللّي فتح بيته لعابر ودرّاج=كالمبخر اللّي ما انطفى يوم فحمه
مثل الجمل في شيلته والتهدّاج=ياثقل شيلاته وياكبر عزمه
أخو لمن ماله أخو ساعة احراج=اخوه لوماكانت امه هي امه
ماماج ابوحاتم مع اقدام من ماج=قسمته مابين الرجاجيل قسمة
ياماخدم عالم وكم سبّع افواج=مفتوح جواله ومشغول رقمه
كلمته كلمة مو بتوسيعة حجاج=كلمة رجل ماهي سواليف حرمة
لادلّج الكذاب بالوعد دلّاج=بيقوم ابوحاتم وبيجيك علمه
ماهو من اهل البحلقة والتفرّاج= مرددين : ( اسف , وبلكن , وش اسمه )
له مكتبٍ عزّ الله ادراجه ادراج=الله خلق مكتبه للناس رحمة
محطم الاعذار تحطيم الاسياج=محقق احلام البشر قبل حلمه
ابشر بمن يلقى لها الف مخراج
=خصوص لاحطّ اصبعه فوق خشمه
رح له وسيبك من هملّس وسذّاج=وان قلك ارم الهم عن كتفك ارمه
ماهوبمتذمر ولاهوبهراج=وان خلّص الموضوع قال : ( أي خدمة )
ماهو عصا موسى ولا سيف حجاج=لا انهار عزمه جدد الرب عزمه
مؤمن بمنهو يفلج الصخر فلاج=وان الحياة ارخص من خيوط جزمة
نور البشر من غير لمبات وسراج=ولقمة اللي نام من غير لقمة
جمر الصباح وخبز تقليبة الصاج=ياربي احفظ خادم الناس واحمه
اقول ابوحاتم ولاعاد يحتاج=اقول بعد اسمه ولانص كلمة[/poem]