[زهراني من الرياض]

السلام عليكم ورحمة الله وبركاته...

كيفكم ان شاء الله مرتاحين...

حبيت انشط القسم هذا شوي .. لانه نادرا ماحد يدخله ...

الموضوع هذا جدا مفيد خصوصا للي يبون يشترون لاب توب

عشان نعرف احسن الموصفات ...ونختار الافضل <<< من بعد شوركم ونصيحتكم...

المهم : في البداية انا رح اتكلم عن جهازي.. ومواصفاته بشكل مختصر ..

جهازي الاب من شركه acer والشاشه ممتازه 15 بوصه تقريبا.. ولونه اسود .. وما يتوفر لهذا الجهاز الا هاللون.. وعلى فكره شريته يوم كان عليه تخفيض وعرض مغري << اشتر الجهاز وخذ قسيمة شراء بمئه ريال ..
طبعا استفدت من القسيمه وكملت باقي اكسوورات الجهاز...

وسعر الجهاز محترم جدا ... 1700 ريال على ما اذكر..

<<< وفرت مكافاة 3 اشهر عشان اشتريه...

وفيه كا ميرا وبلوتوث << بس البلوتوث ما يشتغل للاسف..

نظام التشغيل سابقا كان XP وكان في اخطاء كثيره في النظام ... زي الهوتميل : لما ابغى ارسل رساله ما يفتح كله بشكل كامل .. كمان الاجهزه الجديده : فلاشات وطابعه وغيره هاذي مالي امل تشتغل زين للاسف..
ايضا لما احمل برامج جديده يصير بطيء واستجابته جدا بطيئه .. وياكثر ما اضطريت اني اشيل البطارية عشان اطفي الجهاز... واول ما اشغله يبقى معلق لمده خمس دقايق..

بس يوم غيرت النظام الى ويندوز 7 صار اداء الجهاز افضل .. وما عاد يعلق زي اول.. وصار محترم معي على الاخير.. وكل الاخطاء السابقة تلاشت ولله الحمد...

وهاذي خشة الجهاز الله يحيكم .. قول ما شاء الله لا يتكسر <<< من زينه عاد



نصيحتي: لاتركب نظام تشغيل قديم مع اجهزه جديده .. ما بيمشي الحال...

اتمنى كل عضو او عضوه بعدي يكتب الاشياءات التالية:

نوع الجهاز .. ونظام التشغيل .... واللون <<< لمحبي الالوان والكشخه .. وبعض الموصفات << اذا تكرمتم..

بالاضافة لاهم شي اللي هو : اخطاء النظام ...

عشان الكل يستفيد..

وابغى الكل يشارك... <<< اذا ما فيه كلافه ...

ومشكورين على الردود مقدما ...