[نور الجنوب]

أكد تعميم صادر عن نائب وزير التربية والتعليم لشئون البنين الدكتور / خالد السبتي على عدم تكليف الطلاب بطلبات مدرسية ليست من واجباتهم .. سواءً كانت وسائل أم مستلزمات تعليمية ، أم مواد تزيين الفصول أو المدرسة والصحف واللوحات الحائطية والأقمشة ، أو تصوير وتكبير الكتب أو طلب تبرعات
وطالب بالتيسير في طلب الأدوات المدرسية الأساسية الخاصة بالطلاب .. مثل الواجبات المنزلية والدفاتر والأقلام الشخصية والملابس الرياضية ، وعدم إلزامهم بنوعيات معينة أو مواصفات مكلفة ، والاكتفاء بما يفي بالغرض ويحقق الهدف ولا يكلف أولياء أمورهم .
بعض المعلمين يستغلون براءة الأطفال ،،، يجلس في الفصل يمدح في الطلاب أنت ما شاء الله أنتم من العائلة الفلانية ................ وأنت من العائلة الفلانية وووووووووووو في آخــر الكلام يقول يا حبايبي وش رائكم نزين الفصل ؟

والله من جد زعلانه على طلباتهم
زي بنتي بكره ابلتهم طلبت من البنات يلبسوا لبس بلون العلم وتاج عليه العلم وشعار عليه العلم وجيبي العلم
لانه يوم السبت راح نحتفل باليوم الوطني والي ماتجيب ماتاخذ هديه ولا تشارك معانا بالله هذا رد معلمه والله زعلت بعض البنات ابائهم مايقدرو يجيبو هذي الطلبات والله مريت على بنت جارتي لقيتها تبكي تقول مالقيت جلابيه خضراء
من فين نجيب جلابيه خضراء وفوقها الابله تقول لها انتي بره النشيد لو ماجبتي جلابيه والله حزنت عليها المفروض مايشددو على بناتنا لهم اسبوع يهددو في البنات الي ماتجيب تقعد بره ولاتشارك معانا ولا لها هديه
غير طلباتهم الثانيه الي تكسر الظهر والله ياعطيه عليه عنه انه راتبه لطلبات بناته شيب الرجال من الهم
والله احنى زمان في الرسم تطلب الابله مننا نرسم في الكراسه اما الحين والله اشتري كراريس بناتي انها تقعد جديده لنهاية السنه ماغير يطلبو يابنات جيبو ورق ملون وجيبو ازارير ماغير قطعت بلوزتي عشان اعطيهم ازارير
وغرا وتلاوين مائيه وخشبيه وشمعيه واصداف البحر قمنا نسري انا وعطيه نجمع الصدف الي على البحر
والنوته اذا جبناها قالو لا غيروها جيبو اكبر جبنا اكبر قالو لا وسط
والله مره قالتلي بنتي الابله قالت ادفعي فلوس لدرجة النشاط ان قلبي وقف والله دايم يطالبو بفلوس للنشاط زمان ماكنا كذا ويابنات اتبرعو للمدرسه
انا الي يزعلني كمان المقصف والله مره رحت مجلس الامهات وجاني الجوع رحت اشتريت طعميه والله انها حجره
انها بالمشعاب نزلت من حلقي ماغير بليتها بالمويه والا الان هذا الاهمال والله يابنتي انها تجيبه معشبه الله لايسامحهم
زمان والله ان تجي وقت الفسحه ونلاقي البف او الكرسون حار توه خارج من المخبز
معليش طولت عليكم لاكن من القهر ابغا رائيكم في الي نشوفه من طلبات المعلمات الي ماتنتهي الين يبيحون قروشنا