اسرع شي في العالم
وأبيخ شي أنك تمسك جوالك بتصور طفل وهو بقمة حماسة .. مايمدي ابد تصوره لين يستكن
ولدي المطفوق احياناً
يموت بشخصية " شون " الخروف النكبة
اللي يجي في مسلسل "شون ذا شيب"
كل ماروح محل العاب لازم يشتريه مهووس بالدمية والاستيكر والشنط والمسلسل والاغنية حقته وأي شي يخص "شون"
حتى خرفان الديرة حبها
لذلك شريت له مره واحد وشروا مثله عيال اخوي وقلت ياربي كيف يصير ولدي يميز خروفه عن خرفانهم اممم
رحت علّمت عليه بوسط راسه بالمناكير .. مثل زمان كانوا يحنون روس الغنم للتمييز
وبس وبسه .!