الإهـداء : الى لحظات مؤلمة ، المناسبة : في كل المناسبات !!
أنا ما أخترت هالغيبه ولكن هذي ظروفي
لأول مره بعمري تمر لحظه ولا جيتك
من عيونك بعد روحي يموت وينولد خوفي
ومن وسط "الألم والبعد" مدري كيف حبيتك
وقف همي على غصن الكلام وطارت حروفي
وانا من يومها اجمع حروف ولا تهجيتك
أح ب ك.. وش اقول اكثر وبعض الحكي ما يوفي
أنا ياروحي ادمنتك من اول ما تعاطيتك
أنا اللي من فقدتك ما فقدت إلا : سبب شوفي
تضيع بخطوتي كل الدروب وتلتقي .. بيتك
كثر ما خانني وقتي قدرت إني معك أوفي
كثر هذي الظروف اللي خذت مني انا اعطيتك
تبناني الأمل لكن تربى الياس في جوفي
عزفني الحزن باوتار المدامع لين غنيتك
غزيتك باللقا لكن طعني الهجر بسيوفي
صلبني الهم في ساحة غيابك وانت ياليتك
تحررني وتتركني أحس بقيمة اكفوفي
أضمك وسط احضاني واهمس موووت حبيتك
علي الزهراني