[حسين المعنى]

[poem=font="Simplified Arabic,6,black,normal,normal" bkcolor="transparent" bkimage="" border="none,6,gray" type=2 line=0 align=center use=ex num="0,black""]
ياهاجسي نبغي ختام الميه=ابيات شعرن تطرب القافيه


خل الذي لامن سمعها ينصت=وان كان به ميته تعود حيه


متماسكه متمارسه جذابه=بغلا الذهب متعاليه محليه


محتار بالمبدى وفي منهاها=من مابها جابت لي النفسيه


الياس طيب في رجوع الميت=يمكن تجيله ناسيه منسيه


والا الرجا بلوه تهين الراجي=خصوص لامن صار فالمقفيه


انا الغريب العاشق المتعذب=في حب عذرا معتقدها انسيه


الله عليها ماكماها شفته=دره ثمينه نادره حوريه


ورده تميزها وهي بين الورد=رويانتن بيضا على زهريه


تشقي وتتعب كل من ناضرها=من حسنها بين العرب مطريه


البحر جمعنا وشيب فيها=للجايزه وصل وللمنهيه


غشمان ماندري عن اللي جوفه=نحسب حياته طيبه مهنيه


غصبن توافينا وغضبن غبنا=ماهو من ايديها ولا بيديه


امواجه العضمى علينا جارت=تخاطفتنا واحرقت مافيه


في ليلن اضلم دخلتنا عمقه=لاعد لها شاطي ولا عد ليه


واحنا ابتلشنا وقتها بالواقع=ماعد ندور غير للبريه


فجأه تباعدنا وانا متوقع=اعطيتها لا توهت ماريه


تاهت وانا وسط البحر واموجه=فكري يقول الخير بالصبحيه


وانا آتحرا ها ومحري لصبح=ماغير لاهذي ولا هذيه

منها تعلمت التحدي والصبر= ومنها كسبت الموهبه الشعريه


هي هي الوحيده بين كل العالم= اللي بدت من سحرها خافيه


انا آدمي من دون شك وريبه=وهي على مانعتقد جنيه


قمت اتذكر مامضى وياها=وتسابقت دمعاتي المخفيه


كنا نعيش أمالنا والراحه=تحت الغلا واحلامنا الورديه


حبيتها والله وهي حبتني=محبتن متراميه مشقيه


لحضات عمري كلها تطريها=ولحضاتها تمضي مع طاريه


واليوم انا اجيها ولا تاجيني=كرهت روحاتي لها والجيه


افكارنا مع بعضها تتوارد=واحبالنا متناهيه مرخيه


حالي بعد ها لو بغيت اصف له=ماكنه الا قربتن مطويه


ماغير رجعتها يضلي ماها=من دونها متقطعه مرميه


ليت الزمان اللي جمع مافرق=اصحاب بالدنيا وخي وخيه


من بعد ماني كنت حاكم دوله=اصبحت جندي ماسك المسحيه


احزن على حضي واهوجس وابكي=واقول مافي ذالزمن حنيه


ياليتني ماجيت فوق الدنيا=والا خذاني الموت في باديه


والا يكني خالي الاحساسي=اوليتها مافتحت عينيه


ماكان هذا الحال الاقشر عشته=كاني مثل ماكنت في حريه


الله يسامح لحضتن لفتنا=على بعض والحضه المنهيه
وصلا الله وسلم على ابو القاسم=رسولنا اللي مارسولن زيه[/poem]