[بنت محمد]

أنا ما جيت أتبع حروفك ولا أكتب رد!

ولأني على دفتر الأعوام مذبوحه!

كفاني صنعت لهيبتي بك مد!

وعلمتك أصول المرجلة بالعرف مشروحه!

سقيتك وأسقيتك من داخلي بالمجد!

وقومتك تقاويم الشذا من نفس مصلوحه!

حفظتك من الزلة ولا جازيتها بالصد!

وأخفيتك وأظهرتك بصورة خير مملوحه!

كسيتك من طبعي الوافي عمايم ود!

ولا نزلت مقدارك مع ناس مشفوحه!

صحيح إني بنيه لكن أفعالي ترفعك للجد!

وما وطيت رأسي ولاني بنت مفضوحه!

وخذها يا عديل الروح كلمة للغد!

رسالة نصح بخليها لك موضوحه!

لا أنته ولا غيرك باسمح لك تجاوز حد!

وعند الجد بأهدم غلاك بصروحه!

مدينة عزتي صنتها عن وغد!

ومالي بقصة الأشواق ارجوحه!

إذا قصدك تهين اسمي على لسانك بكلمة طرد!

تفضل واسمعها على لساني ابروحه!

طردتك من عالمي بدون الحقد!

ولأني على شرواك مجروحه!

بلاقي لحبي الطاهر مواني وسد!

وبلقا على طبعي الوافي ناس مسموحه!

وماخفت الشتاء وارتجاف البرد!

كسيت الجاي من أيامي اطموحه!

بأقف على علمي وانسى طرابق رعد!

ولي مع الأيام قصة منجوحه!

قصة نجاحي بتنكتب بالورد!

بخليها لك ولأمثالك قصة مطروحه!