رسالة ياوزير الصحة
الناس ذبحتها الكحة
معاناة مع المستشفيات
تعب وأمرض ووفيات
بحكم مراجعاتي الكثيرة
أشوف علوم مثيرة
المستشفيات الخاصة في كل زاوية
بس مهتمين كشف بخمسين جيوبنا خاوية
أما المستشفيات العامة
جابت أمراض وطامة
في قسم الطوارئ شفت عجب العجاب
من كثر الزحمة خلو المرضى عند الباب
عارفين السكان في زيادة
ويلزمهم طبيب وعيادة
أرضنا ماشاء الله شاسعة
وكوادرنا الطبية بارعة
وش فيها لو زودنا عدد المصحات
وأفتكينا من الزحمة وكثر الحالات
في أوربا والدول المتقدمة
الأسرة معها طبيب ومعلمة
التربية والتعليم يلزمها مستشفى عام
مثل القوات المسلحة والأمن العام
والمواطنين لهم حق وواجب
لازم يسمعنا الوزير بدون حاجب
أما حان لكم أن ترحموا البشر
الأخطاء الطبية داء وانتشر
نتعالج في مستوصف الحارة
مافيه إلا حارس العمارة
طبعاً مبنى حكومي مستأجر
متهالك خاوي ومكسر
ولد المسؤول فلان مزكوم
الطيارة لجل عيونه تقوم
يارب فرج همومنا
وأزح عنى غمومنا
اللهم أبعد عنا المختلسين
وأجعلهم دائماً مفلسين
هنا أقول تكفى تكفى يابو متعب
ندري والله إنك تتعب
شفلنا حل مع هذه المعضلة
نرجوا تكون برقية مستعجلة
موجهه إلى هؤلاء الظالمين
اللهم أبعدهم قلوا آمين
دمت لنا يازعيم العرب
حنانك وصل كل مغترب
صلوا وسلموا على خير المرسلين
محمد بن عبدالله الصادق الأمين