[ابواحمداليزيدي]

[frame="7 80"]
..












ورجعت انفاسي لصدري بعدما كانت بعيده في اخر حدود اللآ معقول

اخيرا حطيت النقط على كل الحروف وتركت لقلبي الاختيار

قررت اني اعيش واتنفس وانبسط وانسى كل لحضاتي المرهقه واللي تعبتني

كنت اول اوقف عند كل لحضه احس فيها اني تضايقت واكسر الدنيا ويرتفع ضغطي
كنت اعتقد بهالحاله اقنع نفسي على الاقل بأني اسيطر على كل شي
بس العكس صحيح تماما لاحضت ان كل مره اوقف فيها عند كل ارهاق اعذب نفسي اكثر
الحياه واسعه كثير وفيها من كل موقف درس
لما قررت اني اترك الحياه تمشي زي ماهي ارتاحت انفاسي بصدري
ورجعت بسماتي تنور شفاهي اللي كانت ذبلانه
صرت كل مامريت بموقف يضايقني استشعر الفرحه من قلب هالموقف واصمم اني اضحك
بالفعل يوم اسوى هالشي يعدي الموقف بدون ما أكسر شي وبدون مايرتفع ضغطي وبدون الاشياء اللي كانت
تتعبني اكثر من كونها تريحني .
استمع للموسيقى الهاديه وكثير احب المونامورا احس اني اعيش صدق فيها احسها مريحه جدا للمزاج
استرخي وافكر وانا اسمعها وتاخذني افكاري لعالم بعيد واحلام وخيالات مستحيل بيوم تكون واقع
بس تشعرني بسعاده كبيره واتمنى ابقى في احلامي ولا افارقها لانها لحضات جدا مجنونه
وفي الاخير تمشي الدنيا ويستمر الارهاق مهما حاولنا تجاهله
بس لو كل انسان اخذ كل موقف بأبتسامه اضمن ان نص العالم ماعندهم امراض ضغط وسكر
وش يعني جرحني شخص حبيته بيوم خلاص ماينفع اني ازعل واغضب
هو اساسا جرحني وانتهى وانا لازم انسى واعيش وانتهي من رذيله اعصابي
وش يعني صديق خانني بعد عشره عمر كويس انه صدمني ولقيته سوى هالشي
افوووق وامشي بحياتي احسن وهو اعتبره شي من الماضي او حلم مزعج كان بيوم
من الايام قريب مني ويوم ازعاجه بدا يجرحني بطلت احلمه
.
كل هالحكي اللي قلته مو عارف ليه قلته بس جميل يعطيني شوي من الراحه
مع انه مايتطبق بحياتنا ولازم نوقف عند كل ارهاق ولازم نصرخ ونبكي عند كل قصه حب
ولازم ننهار عند كل خيانه من صديق ولازم ولازم ولازم

بس شي حلو نتفائل حتى لو بكتاباتنا نعتبرها متنفس نخرج فيه من الحياه القاسيه
او القاسيين اللي اتهموا الحياه بالقساوه وهي هي الحياه ماشيه سواء بوجودنا او بعدمه
عيش عيش عيش قد ماتقدر وخل كل شي على ربك يفرجها من اضيق باب
اهم شي نعيش ونرضى ..
انشا الله حياتكم تكون من اسعد لاسعد

ابو احمد اليزيدي

[/frame]