السلام عليكم ورحمة الله وبركاته
هذي القصيدة أعجبتني وطبعاً مهي بلي لأنها لو لي كان تحديت الشاعر حامدزيد وماني عارف لمين هيه ما اطول عليكم أخليكم مع القصيدة:
ماقول الصدر ضايق أقول الكون فيني ضاق
ماقول غيبتك صعبة اقول البعد ينهيني
انا ياما زعل قلبي عليك وماطريت فراق
اشيل بخاطري يمكن وارضى لوتراضيني
ياليتك بس تفقدني كثر ماحن لك واشتاق
قسم بالله مايطري على بالي تخليني
بعيني انت هالدنيا ومن غيرك لعيني لاق
كثير وماملوا عيني وقلبك بس يكفيني
عشانك بعت هالعالم وجيت اليوم تنفيني
حبيبي حلت الفرقى وبعثرت بجفاك أوراق
عزاي بغيبتك صورةعلى بعدك تواسيني
أنا غصبن علي ارضى ببعدك واكتم الأشواق
واكابر رغم حرماني واداري دمعتي بعيني
حبيبي والجفى سجني وقربك من سماي اعتاق
بكثر عيوبي بعينك فقدتك وينك وويني
حبيبي حس في حزني ترى دنياي ماتنطاق
أهونها ولا هانت كبيرة صدمتي فيني
وش يصير بهالدنيا لو انك جيتني مشتاق
وش اللي تخسرهـ يعني اذا فكرت ترضيني
لأني كنت أحسب انك تموت وما تخليني