[شذى الريحان]

اقتباس: المشاركة الأصلية كتبت بواسطة عساف      أولا ً صبحكم الله بالخير ... و أدم الله علينا وعليكم الدموع العذبة قليلة الملوحة وثانيا أخي الكريم الراس الصغير عند إعادة ( أكفش خخخخخ اول مرة ) بالحركة البطيئة لم أجد سوى ثلاث أعضاء .... ليش الملح يا صاحبي ،،، موضوع أستمتعت بمواقفه ... وبما أني بكيت معكم وعليكم الأيام الماضية إذا يلزمنا ويتوجب عليكم أن تشاركوني افراحي والعاقبة لديكم في وحسيناه ،، من الذكريات المضحكة التي لا زالت حتى الآن تمنعني من مشاهدة أفلام الرعب وخاصة إذا فيها عبيـد !!!؟؟؟ مرة و أنا صغير وكل مافيه صغير العقل و العيون إلا خشمي وهذا فيما بعد ورثه أحد أولادي ومثل ما قال الشاعر العربي : شُـم الخنافر من الطراز الأولي .... هذا ما جناه على ابيه و ما جنيته على حد ،، المهم قمت من النوم في عام 1392 تقريبا أي في القرن الماضي < مادري كم الساعة ولا أي يوم لانه ما كنا نعرف رزنامة التقويم ذيك السنين ولا معي ساعة كنا نعرف الوقت بواسطة اصوات الديكة في الصباح و المساء بنواح بقرة عمتيه رقية < وأجي مدرعم على بعض الجيران في قريتنا سقاها السيل وأدف المصراع (الباب ) وأدخل وكان بيتهم عالية وسافلة ( دور أول ودور أرضي ) ومعا دخلتي واسمع لي صوت واحد يشفط له حاجة والتفت مع خشمي و إذا عيوني في عيون عبد أسود عيونه كما الجمر من كثر ما يشفط .. حاط في فمه قرن ثور وقاعد يشفط في راس جارنا .. يشرب دمه ثم يمجه في حلة بجنبه أظنها حلة مواص ... أثره المحجم (الحجام ) وقاعد يسوي حجامة بعد ما حلق راس جارنا بالموس وبدأ شغل مصاصي الدماء ... وأنا شفته و أرجع من طريقي و أطق الصياح و البكاء والضحكة و الخرعة المهم تخلطت عليه واجيك مع ذاك المسراب مثل المغزول شاردددددن ... وجزاهم الله خير ارسلوا ورايه واحد لحقنيه ومسكني وسما عليه ... ومن يومها صرت أكره الثيران و دخلت البيوت من غير أستيذان و أفلام الرعب ،،، وبعدها بعشرات السنين ولأول مرة في حياتي رحت اتحجم عند واحد عكف اكيد تعرفون معنى عكف وكنا ثلاثة ويوم وصلنا عنده خرعت وقلت بطلت ... و اخوياي يحاولن فيه و أن أرفض رغم اني بعدها ادمنت الحجامة ...الشاهد في هذي القصة أن معنا واحد من جهة الشعف منفقع ودب إذا بغى يركب السيارة يركب على نظام الأقساط من كبره ،، عندما جاء الحجام يضع محاقنه ذيك في قفته قال أصبر شوية خلني أولع لي سجارة عشان الدم يسخن ويخرج بسرعة ... قد شفتوا واحد في راسه محقنيين حجامة وفي فمه ســجارة ..... هذا صاحبي ابو .. ابشركم الرجًال بطل التدخين

عسااااااااف انا ماضحكت قهقهت بغيت اموت

اليوم في الظهر كل اهل البيت مقيلين ونايمين وانا اقرا قصتك ضحكت وبعد الضحك ضحكت
بطني اتقطع ت ! ونفسي بغى يتوقف ودموعي من جد سااااااالت صرت اتلفت لايكون احد شافني وانا زي المجنونة
والله اروع قصة ذكرت هنا
لازم انزلها في موضوع مستقل وبالصور بعد اذنك
اشكرك على الروعة