[ابوماجد القحيم]

جاءت هذه القصيدة تفاعلاً مع الصورة التي نُشرت لصاحب السمو الملكي الأمير / مشاري بن سعود بن عبدالعزيز أمير منطقة الباحة وهو يُقبل رأس أحد كبار السن في إحدى جولاته التفقدية لمحافظات المنطقة ،،،




التواضع شيمـة الشامخيـن مـن الرجـال
وأنت من شيخانهم يا " مشاري بن سعـود "

يا الأمير اللي تواضعـك وأخلاقـك مثـال
والله ما يستغرب الجود مـن منبـاع جـود

يا سليل المجـد والعـز وكـرام الخصـال
أصلها من صـوب والـد وعِمّـان وجـدود

يا الأصيل اللـي مواريـدك النبـع الـزلال
والأسد ياخذ طبوعه مـن أطبـاع الأسـود

مثلك اللي يقـرن القـول بصـدوق الفعـال
الحقايـق فـي مسيرتـك وأفعالـك شهـود

ما نسى (الخفجي) بطولتك في شرق الشمال
سجل التاريـخ موقفـك عـن دارك تـذود

والقطاع الشرقي اللي وصـل حـد الكمـال
التفاني مـن مباديـك وإخـلاص الجهـود

وجيتنـا والله يحييـك يـا سمـح القـبـال
مرحبا وأهلين مليـون يـا وافـي الوعـود

كل قلـبٍ مـع قدومـك بـدا فيـه احتفـال
ونبت فـي درب ٍمشيتـه رياحيـن وورود

وهلت الفرحة على الباحة سهـول وجبـال
وأقبلـت معـك التباشيـر وأيـام السعـود

يا عسى جيّتك خير وصلاح وطيـب فـال
والله مال آمالنـا فيـك يـا الغالـي حـدود

أول أفعالـك تبشـر بالأفـعـال الـجـزال
والمطر من عادته يسبقـه بـرق ورعـود

ذاخرينـك يـا البطـل للمهمـات الثـقـال
وأنت تقدرها ولو هي علـى غيـرك تكـود

ودنا تسأل هل الكنز عن حجـم الحـلال؟!
وتسأل أصحاب المشاريع عن بعض العقود؟!

وتسأل الفاسد متى صار عنده راس مـال؟!
وتنقذ الباحـة مـن الظلـم وأيـام الركـود

وكلنا رهن الإشارة معـك فـي كـل حـال
للوطـن والديـن والقائـد الأعلـى جنـود

والعُذُر ما يوصف الحال شعـر ولا مقـال
ينقص المعنى والآمال فـي عدلـك تـزود

شعر / عايض بن مساعد