[ابواحمد]

[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
واعدت لي رجال بعد العشاء القاه = على البحر والجو عادي وهادي
جاني على الموعد بكيفه وبهواه = وده يجلي كل علم سوادي
اناقشه في مشكلتنا وبنصاه = يمكن يلاقي حلها بالروادي
شكيت له دكتور شيب بمرضاه = يكوي ويجرح في صميم الفوادي
دكتور عمره دهر والكل يهواه = تلقاه بين الناس في كل وادي
ابداني الدكتور يصدح بشكواه = يون مثل اللي على الموت بادي
شكواي كانت منه وانا اتعنواه = واثره وباء عادي بكل البلادي
ياليت ينسانا مثل ما بننساه = ولا يطاوع كل صوت ينادي
صديت عنه ولا عطاني مقفاه = الحال عنده زين والوضع عادي
مدري سرقنا الليل والا سرقناه = اصبح علينا الصبح ابلا رقادي
ياليت ليل البارحه ما سريناه = كنا رقدنا مثل كل العبادي
لا الشعر يبغانا ولاحنا بنبغاه = ولاهو مناة الروح والا مرادي
يبقى سجين الصدر والا سجناه = ما دامت انه قد تمكن وسادي
بين الحنايا مستكن لو طلبناه = يحضر على وقت الطلب بنقيادي[/poem]