[بنت الشوامس]

مـوضوع حسّاس

ياريـت هالظـاهره وقفت على كلمة يا ليت إنـي ولد . .
صرنـا نشوف بنـات ألغوا مصطلح الأنوثـه من قواميسهم وصاروا يتصرفـون على أنهم أولاد فعلاً
من ناحيـة قص الشعـر واللبس وحتى طريقـة الكلام والحركات . .
الحمدلله والشكر

أنا من وجهـة نظري الوحـده تتمنى تكون ولـد إذا كـانت مضغـوطه من شـي معين
مو شرط من المحيط العائلي نفسـه
لا . . ممكن من أشياء ثانيـة في نفسها . .

يعني إذا البنت متعقده من شكلها تقول ليتني ولد لأن عندها معتقد إن البنت ما تهتم بالشكل مثل الرجل
أحياناً لما الوحده تنجبر من اهلها على شخص معين تقول ليتني ولد
أو إذا تعبت من مسؤولياتها كـ أنثى يعني الحرمه تحمل وتربي وتدرس وتكررف . .
وقتها تقول بكل عفوية ليتني ولد

ممكن بعد لما تشوف إخوانها الشباب يطلعون ويدخلون وهي مسكينة محد معبرها بين أربع جدران
والله في هالحاله انا اقول ليتني ولد هههههههههههههه

بس إذا جينا للواقع ما أتمنى أكون ولد بتاتاً البته هههههههههههههه
الحمدلله متعززين ومدلعين فيه أشيااء مميزه بحياتنا إحنا البنات حتى الأولاد يحسدونا عليها

بإختصار فيه مواقف تخلينا لا إرادياً نقولها من القهر أو الغيض أو التعب لكن حقيقةً ما نعنيها

شاكرة لك طرحك إختي جمرة

تقبلي مروري