بالعكس انا لفتت انتباهي الصورة اللي حطها مخربها مدري شفتها قبل بهالمنتدى او بمنتدى ثاني ما اتذكر بس من زمان وهي تلفت انتباهي
صاحب الصورة عرف كيف يوصل فكرته بطريقة بسيطة جداً عميقة في مدلولها واختلف معك في تفسيرها ، الشخص اللي بالصورة وكأنه يقول / كلام الناس تحت رجلي وهذا انا عايش حياتي "مستلقي" وألتفت لما هو أكبر "الجريدة"
استلقائه يعني انه غير متوتر لما يقال عنه والجريدة كل مافيها من كلام ناس مجرد مقالات لا تخص حياته ولا تثبط من همته فهو يقرأ مايعجبه ويترك مالا يعجبه .. ولا ننسى بأن الجرائد تعطينا اهتمامات اكبر عن الالتفات للناس وكلامهم فينا فيها مصائب / مآسي / احداث / اهتمامات وحتى كاريكاتير
وهذه هي نظرتي للصورة اللي اعجبتني من شفتها قبل شهور
بالنسبة لموضوعك اختي السلطانة
انا لا ألتفت لكلام الناس ابداً وخاصة لو كان قيل وقال واشاعاتهم وهمزهم ولمزهم فهو لن يقدم بحياتي شيء ولن يؤخره لأن القافلة دائما تسير والكلاب تنبح فقط ادخله من اذني اليسار واطلعه من اليمين ، واستثني من كلامهم لو كان كلام يؤثر على حياتي بسوء لاسمح الله هنا يختلف الوضع وخاصة لو كان الكلام صادر من شخص حقير أو غيور منك فأنا في هذه الحالة أرد اعتباري بطريقتي الخاصة على حسب الكلام ..
على فكرة
أي انسان يحب يتكلم في الناس ونلاقي هالشي من هواياتهم المفضلة في المجالس اعرفي انه يعاني من صغر عقله وحقارته وفراغ كبير في حياته ، لا يجد مايسليه ويقطع به وقته الا مراقبة الناس والكلام فيهم
ونصيحتي لك ياللي تتكلم في الناس
اشغل نفسك الله يشغلك بما يرضي الله ، ارسم / صمم / اطلع وشوف الناس بدور العجزة والنقاهه / ارسم بسمة على شفة من حولك بنكته او طلعه او وجبه برى البيت .. حتى لو ماتشغل نفسك الا بنفسك راقب سلوكك وعدله وانشغل بعيوبك وإصلاحها .. والحمد لله الذي عافانا بما ابتلاك به
شكرا السلطانه على موضوعك .. اهنيك على اختياره
