[صقر برقا]

((قصيده موجهه لأعز انســـــان))


هذه القصيده كانت بتاريخ 3/3/1428 وكانت موجهه لأعز انسان

(الوالد) حفظه الله ’’’

كتبتها عندما تأخر شراء البيت ،، والذي أخذ فتره طويله

ونحن نترقبه يوم بيوم.

وامل من المولى عز وجل ان تنال على اعجابكم


يابوي أنا محتار والكل محتار
والفكر ياخذبي جنوب وشمالي

ودي أعرف اللي تنفذ ولا صار
وش عاد باقي ياكريم السبالي

العين مانامت وفكري بعد طار
عطني جوابك بعد طرح السؤالي

أنا أعرفك دايم من الزين تختار
ولى الردي يابوي مالك ومالي

ماعاد باقي وقت نحسب للاجار
تكفى متى يابوي نشد الرحالي

الواسطه تمشي على كل جبار
وتعقدت في دروبنى كل الحبالي

طول ترى الموضوع وقلبي على نار
وانته هل النخوه بأول وتالي

واختامها يامنشي السحايب والأمطار
تحفظ لنا الوالد وأم العيــــــالي

سلامتكم

صقر برقا