[مح العدواني مد]

جتنـــــــــــي

جتني تشيل اعذارها ثقل الاوزان
اعذارها زينه وفي قلبها اسرار
جتني تعذر عن خطا زلة السان
ما فكرت في حالتي يوم وش صار
جتني تدور داخلي باقي انسان
ما تدري انه مات ولفت به اسوار
جتني وبين عيونها مركب احزان
بين الهدب والعين مركب وبحار
ما بين جفن وجفن ثوره وبركان
ثورة مشاعر داعبت صمت الافكار
هلت مدامعها على كف الاحزان
وراحت تكفكف دمعها قلت وش صار
قالت ترفق وارحم بحالة انسان
حالٍ طواه الهم يوم الزمن جار