[زهراني من الرياض]

احم..

في وحده من البنات طاحت في كمين مسوينه حنا يالشباب ..

طبعا الشباب عطوني مبلغ وقالو لي انزل ابو ريالين واشتر شباصات..

طبعا انا شكيت في اخلاق الشباب <<< بالله الرجال وش يبي بالشباصه..؟؟

المهم قلت بطاوعهم واشوف اخرتها معهم .. <<< المشكله موصيني على الوان معينه وردي واحمرو فسفوري .. الخ .. الخ

يعني لو قالو نبي اسود ولا ازرق كان عذرت الشباب وقلت يمكن يستعملونها لاغراض شخصيه.. <<< لتثبيت الورق او شي زي كذا..

المهم 20 ريال جابت لي بسطه كامله من الشباصات.. واروح للربع .. ومازلت داخل نفسي مفهي.. ياربي وش يبون في الشباصه ..

المهم خذوها وقالو لي .. خلاص انتهت المهمه وعطوني اتعابي..<<< اللي هي عباره عن شباصه سودا .. للاستعمالات المكتبيه.. <<<طبعا ما يلزمهم اللون الاسود..

وانا حتى التو واللحظه مستغرب ليييييه..؟؟ وش يبون فيها.. انصرفت من غير ما اقول حرف بس يوم شغلت مخي وفكرت شوي عرفت انه في إن مو بس إن لحالها إن واخواتها..

المهم عرفت انهم مسوين زي حركة الفار اذا بغو يصطادونه .. حطو ذيك الشباصات من بيت وحده من البنات

اليييييييييين مقر العصابه .. والبنت شافت الوان واشياء تلمع ولحقتها.. الحين صارت في ايديهم عاد وش يفكها منهم..

والمسكينه اسمعها تصييييييح مدخلينها السجن .. والسجن عباره عن غرفه واحد من الشباب العزابيه..<<طبعا حدث ولا حرج..<<< اللي هي غرفتي..

والبنت تقول لاااااااااا.. ابي امي ابي أبوي ابي شباصاتي تهئء تهئء..

طبعا طلبو مني الربع اني اساعدهم في مهمه ثانية وانا طبعا الى الان مفهي وما ادري وش هي ..؟!! .. وقمت بارتداء لبس البطل زورو <<ادري انه قديم.. بس يوم انه لبسته جاني نوم سبحان الله يعني في اللحظات الحاسمه لازم انام..

بس انا اقولكم ليش نمت .. ليش انه اللبس عليه حرف Z فتذكرت النوم والمخده والاحلام السعيده وجتني غفوه.. وما صحيت الا على صرخه قائد الشباب..

وفي ذيك اللحظه كنت محشش من اثر النوم وما اشوف زين والسيف معي الوحه يمين ويسار .. ومااعرف صاحبي من عدوي..



<<<< بغت تجي في كرشة صاحبنا بس ربك ستر..

الموهيم .. ومن الدوخه .. اسمع صياح ناس .. ناس تقول افتح الباب وناس تقول لا تفتح الباب..

ياربي افتح باب السجن ولا لا..؟؟ وقلت بفتح غرفتي وانام فيها و ارتاح ومامداني بسم الله فتحت الباب.. الا يجيني ذاك الطراق ... واسمع ناس تقول لي: شكرا يا مهستر.. وناس تقول: لا بارك الله في شكلك..

وقائدنا اشوف يتطاير من عيونه الشرر .. طبعا لازم اتصرف قمت وجبت الطفاية وعلى قائدنا..

وقلت له: حمد الله على سلامتك <<< مسوي فيها بريييييييييييييييييء..

وسحبتها نوومه ..