[عبدالله العلي]

[poem=font="Simplified Arabic,4,black,normal,normal" bkcolor="transparent" bkimage="" border="none,4,black" type=0 line=0 align=center use=ex num="0,black""]
ياالعافيه رافقي الغالي ولا تتركيه= لا تتركين اصدق الغالين يمسي وحيد
خايف من الهم يتنامى ويقضي عليه= يا حسرتي والمرض قلبه خِلق من حديد
والله لو العمر يُشرى للخوي لأشتريه= واختار له حظ متوفّق وعمر ن مديد
واردّ من غاب عن بيته, وعن والديه= واجيب للمعدم العريان ثوبين عيد
واعطي جميع الخلايق كل ما تشتهيه= واقول للناس سمّوا واطلبوني ازيد
من كان يقدر على الفزعه ,فلا خير فيه:= ان ماعطى الناس من ماله ودمّ الوريد
ياالعافيه قبّلي المرضان في وجنتيه= تكفين ضمّيه بين ايديك مثل الوليد
ارجوك وارجوك ثم ارجوك لا تهجريه= واحميه من سطوة السقم العظيم الشديد
وإلا ِخذي نصف مااملك منك ثِمّن عطيه= حتى يعوّد شقيق الروح لي من جديد
يانعيش الأثنين والفرحه تعم الوجيه= يا نموت الأثنين عبدالله وعبدالمجيد [/poem]

الحين عرفت ..
انهم يتشابهون في كل شيء .. إلا شيء !

مزاجي شكرا لك