قصيدة من نظمي اتمنى ان تعجبكم
اكذب عليك ان قلت يا زين ناسيك
منساك لو شفت المحن والعظايل
لا غبت عني يا هوى البال احاتيك
وابصيهد افكاري اشد الرحايل
واتخيلك بين الميازين والقيك
والقى نصيبك نوض برق المخايل
والصبح يبدي لي مفاتن مواريك
والليل اخذ منه سواد الجدايل
سبحانه الله خالق الكون حابيك
الزين كله وانت له صرت نايل
عسى الليال المقبله اتعود ماضيك
واقطف من اثمار(ن) غصنها تمايل
وازرع على كفي الريحان واهديك
واسمر معك بالليل والواش ذايل
وارسم امل عمري على راحة ايديك
واعدل عماد الحظ لو كان مايل
لي طلبة(ن) دامي على الناس مغليك
اطلب يعود مناي ماهوب فايل
ابهرتني ماحد(ن) تجلا يضاهيك
سمح النبا عطبول وافي الخصايل
محكم على قلبي وانا مولع(ن) فيك
ماسمع صدى عذال او زيف قايل
عاشق وافز ان مر بي يوم طاريك
ولْك بضمري طود من حب شايل