[عبدالله الطنيني]

يا بو متعب جعل ما صابك طهور

[poem=font="Simplified Arabic,6,green,bold,normal" bkcolor="transparent" bkimage="" border="double,4,crimson" type=1 line=0 align=center use=ex num="0,black""]
يا بو متعب جعل ما صابك طهور=يا حبيب الشعب يا نـور العيـون
نطلب الرحمـن يكفيـك الشـرور=يا كريم النفس يا القلب الحنـون
اعتناها الشعر من صدق الشعـورواعتناها الشعب من حب وشجون
في وجودك صارت الدنيـا زهـور=واكتسى شعبك من الفرحة فنـون
انت وجه الخير في صبح البكـور=يشهـد الله والخلايـق يشهـدون
وانت بـدرٍ كامـلٍ بيـن البـدور=وانت قـدوة بـذل للـي يبذلـون
وانت نجم سهيل في البشر وظهور=جعل قدرك لا يضـام ولا يهـون
وانت للرحمة سواعدها الحضـور=وانت للشدّات من فـوق الظنـون
صيرمـيٍّ لا يـكـلّ ولا يـبـور=في رقاب الّـي علينـا يغلطـون
وانت نبض الحب نور فوق نـور=بـك معاديـم ويتامـى يسعـدون
وانت شهر مكتمل بيـن الشهـور=وانت عام الغيث ربعك يعصـرون
من ندى كفيـك باحـات وسـرور=تعشب الباحات من غيث المـزون
الشِّعِـر واهلـه وكُتّـاب النّثـور=كلهم في جانبـك مـا ينصفـون
لو يقاس الشعر با مواج البحـور=في الغزارة والبلاغـة والـوزون
أو كُتِب في النثر مليار السطـور=في المديح آظن دونـك يقصـرون
موقفك يبقى على طول العصـور=يحفظونـه جيلنـا واللاحـقـون
جعلها الله فـي موازيـن الأجـور=فـي نهـار والبشـر يتحاسبـون
يا ملكنا الشعب كله بـك فخـور=يوم تدعيهـم يجونـك يهرعـون
حن معك دون الوطن درع ٍ وسور=ما نهاب الموت في يوم المنـون
حن لها حتـى توارينـا القبـور=فـي سبـاقٍ للفـدا يتنافـسـون
[/poem]

( نسأل الله لمليكنا المحبوب الشفاء العاجل ، وان يعيده إلى وطنه وشعبه ومحبيه وهو في صحّة وعافية -آمين- )

وحقوقنا محفوظة حفظكم الله

وسلا مكم يا كرام

[bor=#ff0000]
أرجو تثبيتها وشكراً[/bor]