[نسيم السروات]

أعود لكم وأسفه على التأخير وهنا بعض الردود على بعض المشاركات اللطيفه :

1 - مشعاب عتم :

أحلى حج مع الكهيل والشياب وتقول معك كاميرا وصورت شياب وكهيل ياليت تنزلها لنا في منتدى التراث وبالمناسبة

يحكي لنا بعض كبار السن أنهم حجوا زمان وكان معهم كهلة وشائبها كل شوي يتهاوشون في الحج ويتراضون

وفي أحد المرات قال لها أجلسي هنية لا تغدين من مكانك بغدي أتنبك لي سقارة وأجيك القحم مسوي شبابي يدخن

المهم بعد شوي جو العمال ينظفون المكان فقالوا للناس غيروا مكانكم وراحت الكهلة مع الجماعة مكان أخر قريب

ولمن رجع شيبتها ما لقى كهلته والجماعة وراح يدور عليها وضاع القحم وجلس يوم وليلة ضائع والكهلة ماسكة في

عصاته وتبكي وتقول عليه عاللي ماعدا إلا عصاته وماتوا عليها من الضحك المتواجدين وفي اليوم الثاني جاء

الشيبه والشر بين عيونه ناوي على الكهلة وأول ما شاف كهلته أخذ العصا منها وورد عليها يبي يضربها

قدام الله وخلقه وجلس يسب فيها يافعلة ياتركه ليش ضائعة يومين ماشفتك فين رحتي قالت له أنت اللي ضائع

قال لا تخسين أنتي إللي ضائعة وما فرع بينهم إلا الرجال بغى يذبح الكهلة ضعيفه وهي مانامت تبكي عليه وتشييل

في عصاته هههههه.

2- زهراني من الرياض :



تقبل الله عمرتك ويسر لك حجة قريبة بإذن الله .


3- أبو يزيد الحريري :

والله مواقفك كلها تضحك أنت وولد عمك وجواله . وبعضها والله مرت علي في حجي وخاصة موضوع الدعس على الحذاء من وراء.

كنت أنا وزجي نمشي على جسر الجمرات في عز الظهر وكان الجو حار وشمس وكنت كل ما أرفع رجلي امشي

يدعس على حذائي شخص فينقطع الحذاء المشكلة كل الفردتين تقطع من قوة الدعس والزحمة فاصير انقز فوق الزفلت

كأنني دجاجة من شدة لسع الحرارة على بطون أرجولي وأنا أقول يحوو يحوو بصوت عالي ومن حسن الحظ أن اللي يبيعون

الزنوبات اكرمكم الله على جانبي الطريق عارفين الوضع فكل شوي يشتري لي زوجي زنبوبه وتنقطع يمكن ثلاث مرات

فصار يقول أمشي قدامي وخلي بيني وبينك مسافة عشان ما أحد يدعس على زنوبتك فانحلت مشكلتي وصار الدور عليه

كل شوي يدعسون على حذيانه وياليل السراء

وحلفت ما عد أحج إلا بجزمة بوت إلى عند الركبه عشان مايصير مجال للدعس عليها .

أما جوال ولد عمك فهو لحق ساعتي كانت والله غالية علي وهي الساعة الوحيدة اللي حبيتها لأنها ما تجيب لي

حساسية المهم كنا في المسعى ومع الزحمة والضغض ضربت يدي على الحاجز اللي في الوسط الذي

تسير منه العربيات وأنفكت الساعة من يدي وطاحت وصحت في زوجي وقف وقف وأجر في إحرامه أبي أدنق

أخذ الساعة قام زوجي وجرني بالقوة قال خليها يامجنونه هالحين ما تقدرين تأخذينها بعدين نعود لها بنلاقيها في العودة

صدقته ومشيت وما عد لقيتها لقطوها مع أنه في الحرم ما يجوز أحد يلقط شي أعتقد فيه حديث يقول كذا .

وبصراحة لو دنقت أخذها كان مشاو من فوق ظهري وخلوني ورقه مسطحة على الأرض مافيه إلى قورة دعس ياكافي .


4- أبو فيصل العدواني :

أن شاء الله تحج في الأعوام المقبلة .

وأكتشفت من كلامك أن الحالة اللي فيك مو بس عندنا فقط وهي حالة أن بعض الشباب يحب يحج لحالة بدون عائلة

عشان كذا أن سألت هذه السؤوال . حجيت مرة أنا والوالدة مع أحد أخواني الله يجزاه خير في حملة وكانت حجتي

للوالد الله يرحمه وطول الوقت وأنا حريصة بأن تكون حجتي على أكمل وجه عشان ربي يقبلها لأبي رحمة الله عليه

لكن الحملة التي كنا فيها بهذلونا خاصة سائق الباص دائم يضيع الركاب وينزلهم في أماكن بعيدة عن مخيماتهم

المهم في طواف الإفاضة رحنا نطوف وقام أخي من حرصة علي أنا وأمي ما نفلت منه ونضيع صار يوقف في الوسط

بيننا ويضع يده على كتوفنا ويمسكنا وحدة يمين وحدة شمال وأن بصراحة أتضائق أن أحد يمسكني أبي أكون

حرة منطلقة وأخي رفض يفكني يقول أخاف عليك وزوجك موصيني فيك لا تفشلني منه وتضيعين قلت له

يا أخي بيننا جوال أتركني أنطلق وإذا خلصت بحتريكم عند زمزم قال لي كلمة موتتني من الضحك قال والله والله

لو أفكك ما أدري وإلا أنتي فوق ظهر الكعبة تطوفين ماغير أهجدي وخللك ماسكة فيني .

وفجئة لقيت جنبي مصرية تمشي وطول الوقت تطالع في يدي عينها على سوارة ذهب شافتها علي قلت لأخي

هل لاحظت شي فضحك وقال من زمان وأنا ملا حظ وتراها هالحين تفكر كيف تقطع يدك وتأخذ السوارة أنتبهي

لنفسك والمصرية تسمع في كلامنا وضحكت وراحت في سبيلها وأنا والله خفت أنها تقطع يدي وكنت أنا وأخي

طول الوقت ماغير نضحك وننكت ونفسر كلام الحجاج العجم بتفاسير مضحكة وهم يدعون وأمي الله يجزاها الجنة

كل شوي تهزء فينا أسكتو وأدعوا ربكم خلو الضحك والمسخرة والله ما معكم من حجكم شي وأنتي تحجين لأبوك

والله أني أخاف أن حجتك فاسدة الله يعيض أبوك خير فيك ومرة نضحك على أمي ومرة على الحجاج عسى الله

يغفر لنا ويتقبل حجنا . ولما رجعنا ما لقينا صاحب الباص وعدنا في مكان وكذب بوعده فاضطرينا نركب سيارة

أجرة غريبة الأطوار غمارتين ركبوا فيها عائلة سعودية سبقونا على الغمارتين والصندوق الخلفي مسويه صالة فيها

جلستين متقابلتين يعني في كل جه تأخذ راكبين ومتصلة بالغمارتين ومسقفه من فوق ركبت أنا وأمي في جهة وركب

أخي في الجهة المقابلة لأمي وشوي إلا أخينا في الله جاب شائب با كستاني وكان يبي يركبه مقابل لي هنا عاد

خربت الأخلاق وهي خربانه من أول ونطيت من السيارة ونزلت وقلت يانا ياذا المخلوق مايركب معنا قام الرجال

حجازي وطماع الله يهديه قال يا إما يركب يا إما تدفعون حق راكب عشرين ريال فاضطرينا ندفع له الجشع ولا يركب أحد معنا


__________________


وسوف اكمل باقي الردود على الأخواني في وقت لا حق لأني طولت عليكم وتعبت من كثرة الكتابة

لي عودة وفي رعاية الله .