[عالمي زهران]

لايخفى على الجميع ماوصل له المنتخب من تردي في المستويات بل حتى تردي في المراكز على مستوى العالم !!
فكما يقال : من الصعوبه ان تصل للقمه ولكن الاصعب ان تحافظ علىها !!
وعندما ترى حال المنتخب ترى ان هذه المقوله اثبتناها تماما فنحن وصلنا للقمه ولكن لم نحافظ عليها .. في رايك شنو السبب ؟؟
عندما بدانا من الصفر وتم تاسيس منتخب يضم نجوم في كل المراكز .. تاهلنا لكاس اسيا لاول مره .. وحصلنا عليه ثلاث مرات متتاليه .. وتاهلنا للاولمبياد .. ووصلنا كاس العالم .. واصبحنا حديث العالم باسره .. منهو هالمنتخب .. من فين جانا !!
بكل امانه اقول ان المنتخب اصبح قراره بايدي عشره اشخاص وليس شخص واحد .. والدليل التناقض الواضح في القرارات .. والتخبط الواضح في خطه مللنا من تكرارها !!
عندما تقرر المشاركه في بطوله بالمنتخب الاولمبي .. ومن ثم تعلن اسماء المنتخب الاساسي .. وتقرر تاجيل الدوري لثلاث جولات .. ومن ثم تستبعد الاساسيين قبل البطوله بكم يوم .. وتستدعي لاعبين جلهم احتياط في انديتهم .. ومن ثم ليش تاجل الدوري دامك لن تشارك بالمنتخب الاول !!
من المستفيد من التاجيل .. المنتخب ام الانديه ؟؟
من يستفيد من هالتخبط .. المتابعين ام الراعين ؟؟
في رايي ان لن يستفيد من ذلك الا اعضاء اللجان .. الذين يريدون السفر والتجول .. ومتابعه نتايج تخبطاتهم عالطبيعه !!
بما انك حاط في بالك انك لن تشارك بالمنتخب الاول فلماذا تعلن وتاجل وتستبعد وتستدعي ؟؟
يعني على بالك بلعب عليهم .. باصرفهم .. باسكتهم .. الين قبل البطوله .. وبعدين احطهم امام الامر الواقع !!
هل من المعقول ان تدار اللجان والاتحادات بهكذا فكر .. الذي اقل مايقال عنه .. فكر حواري !!
انا مثلا باستطاعتي انظم دوري حوراي .. واضع القوانين .. واختار اللاعبين .. واخذ اللي ابيه وارجع اللي مابيه .. واختار الفرق .. واقدر بعد ماعلمهم بالجدول الا قبل المباراه بيوم .. حد عنده اعتراض !!
دوريي ونا حر .. تقدر تقولها يا اتحاد الكره !!
الحقيقه انني من اشد المعارضين لفكر وتدريب هذا المغمور البي سيرو اللي يبي يقول لنا : سيروا .. معي المصباح .. بس سيروا !!
فهو لايسير الا بالمصباح .. والدليل ان القرار ليس بيده .. هو هذا الاستبعاد والاستدعاء المفاجئ !!
استبعد واحد .. اثنين .. ثلاثه .. نقول طبيعي .. لكن تستبعد فريق كامل .. وتضم فريق اخر في غضون ايام .. فهذا ليس تدريب .. بل تعذيب !!
انت اصلا وش يهمك .. راتبك ماشي .. ومكافاتك موجوده .. اسمع الكلام ولايكثر !!
هذا الفكر الذي تدار به اغلب اللجان .. والدليل مايحدث من قرارات داخل المسابقات المحليه والتي اقل شي اقدر اسميها .. غبيه !!
لجنه تحتري لجنه .. واداره تتكي على اداره .. واتحاد نايم بالعسل !!
لاحظوا الفرق بين فكر الثمنينات والتسعينات .. وكيف كان المسئول واحد .. مو عشره .. يستشير اوك .. يناقش اوك .. لكن ينحاش من تبعات القرار .. ابدا لم يحدث .. فكان يقرر .. ويتحمل قراره !!
الان تجد .. كلن يقرر .. كلن يبرر .. كلن مسوي فيها الفاهم الوحيد في الكره !!
وعندما تتسائل .. منو المسئول .. كلن يذبها على الثاني .. مو انا .. هذا .. وهذا يقول .. مالي شغل .. حنا رفعناها لهذاك .. وهذاك يقول : رفعت للمسئولين .. تحت العرض .. اهاا .. يعني تعترف ان هناك مسئولين .. وليس هناك مسئول واحد !!
متى يصير عندنا مسئول واحد عن الكره السعوديه .. متى بس !!
وللتاكيد فانا لست ضد التجديد .. ولا ضد الاستبدال .. ولكن ضد العشوائيه .. وقبها في الباب ونت مغمض .. تجي بالباب ولا العارضه .. ولا ان شاء الله بوجه الحارس .. قبها وبس !!
نريد منتخب متعوب عليه .. نريد لاعبين نجوم .. نريد ان نحس بفريق متجانس .. مو منتخب لك عليه !!
تذكروا منتخب 84 ومتتخب 88 ومنتخب 92 .. تذكروا راسيات ماجد .. ولدغات محيسن .. ومعزوفات الهريفي .. تذكروا كيف كان الهريفي يذبها لماجد في المكان .. تذكروا كيف كانت انطلاقات الظهير الطاير .. تذكروا كيف كان تمركز شايع .. وصلابه جميل .. تذكروا تسحيب الثنيان .. وترسانة المطلق .. تذكروا صدات الدعيع .. وتخليص النعيمه .
تذكروا كل هؤلاء .. وستعرفون الفرق .. بين اختيار النجوم .. واختيار الرخوم !!
تحياتي