[خالد رجب]

[align=center]هذي محاوره حيه نقلتها لكم من استديوهات الفنون

البدع خالد رجب


سلا م مادام ان ليل الشعر دوبه ورد
وان العمر لحظات لاهل العدم واهل الغنى
ما باقي الا الزير وإلا مطالعة الصفوف
ومجالس الاجواد معموره بروادها

الرد ابو عبيد

يا مرحبا يالشاعر اللي وفى بدعاً ورد
الشعر لاهل الشعر واما الغنا لاهل الغنا
الفتل ياجي بعده النقض والشغله صفوف
وانته من اصحاب القصايد ومن روادها


البدع خالد رجب

انا ادري اني وسط ذا المجتمع فرد (ن) صمد
بلا صياح الليله اما لكم وإلا لنا
حلفت يا ذا الامسيه ما تمر ولا تطوف
إلا بعد ما نعرف اعمامها واسيادها


الرد ابو عبيد

سبحانه المعبود رب السماء فرداً صمد
لكل واحد لال ما يختلف عـن لالنـا
يابن رجب لا تعدى لا تلف ولا تطوف
كب الدروب اللي ملاوي تعال اسيادها




البدع ضيف الله العامري

يابو رجب من يمسك السبع فوق ابلا عمد
الله هو الفـرد الصمـد عالمـن بعمالنـا
ان كان ما من ربنا جالنا رهبه وخـوف
فالاخره وشعاد هو شربهـا وش زادهـا


الرد ابو عبيد

الله يسامح كل مخطي خطـاه ابـلا عمـد
واللي خطاء بالعمـد لابـد مـا يعمـا لنـا
يالعامري لامن وطيت الجمر من دون خوف
لا زاد جرح الرجل لا تنتشـد وش زادهـا



البدع خالد رجب
اللي معه قرشين لايجهد ايدينه بعد
يقعد ويبشر بالوفا والمدد من عندنا
وإلا يسجل عند راعي الزكاوي في كشوف
وياتققوت من ربيع الزكاه ومدها


الرد ابو عبيد

اظن راعي الدين ما سد واي دينـه بعـد
وانا عنيد اقابـل اللـي لفـى بالعنـد انـا
ياللي مغمض لا بتبصر ولا اظن فيك شوف
فتح عيونـك لا تكـف النظرفـي مدهـا


البدع خالد رجب

صحيح في عينك سواده وفي عينك برد
وتشوف لكن لاتمر الطرق ما انبيتنا
ما عاد باعلمك واظيف في علمي ظيوف
اعرف لشور اهل المودات واشوار الدها


الرد ابو عبيد


قل الذي جانـا بـزاده تـرى زاده بـرد
لو كان نعلم به خذينـا لنـا مـن بيتنـا
ليته لفانا ضيف محسوب من بين الضيوف
لكن ياخـوك المطاليـق نشـوى ردهـا


البدع ضيف الله العامري

ياصاحبي خالد ترا الصقر قد جاله هدد
انشد هل المقناص واللي شراها وقتنـا
شيهان والله مايخلي معه طيرا مصيف
يفرد جناحينه وكل الصقـور يهدهـا


الرد الهجير
خالد بناها ليت مـا جـا لبنيانـه هـدد
ياخالد أترك ساحة الشعر مـا ذا وقتنـا
لا شفتها عوجا فخلك عن العوجا مصيف
حرام تبنيهـا لراعـى خطـا ويهدهـا


البدع خالد رجب

يا ابو عبيد الصقر وقع وصقاره شرد
لكن ما في منطقتنا حباري واسمنا
وإن الحياه ماهو لزوم(ن) تجي حسب الشفوف
كم روح تطمع للعلا والظروف تحدها


الرد ابو عبيد

يا صاحبي لا تنتشدني ونـا قلـي شـارد
الناس تعرفنـا وتعـرف بلدنـا واسمنـا
ياخالد انته تعرف السهل واعرف بالشفوف
تهامه معروفـه بذيـك الجبـال اتحدهـا


البدع خالد رجب
والله لياجي للبنا والدراج العوج هد
واني لاعدل كل معوج واعيد البنا
مادم عندي ذوق واني في الشغله حروف
اني لازينها لمن حبها واعتادها

الرد ابو عبيد

لكل واحد جهد والناس ما منعو جهـد
الله يرحم من نصحنا ولا عيـدل بنـا
الشعر يفرق في معانيه والشغله حروف
واللي يبي زين القصايد يعد اعتادهـا


البدع خالد رجب

انا بارد الك النظر غير طالعني ولد
وإن كان جالك في طريقك تعب ومداحنا
اصبر وخلك ع المشقات والشده ولوف
فإن الحياه لابد ياصاحبي من كبدها

الرد ابو عبيد
اللي يعجزني في القاف بعده ما ولـد
ولا طلبنا مالمخاليـق ذكـر امداحنـا
نقدر نرد الصاع بالصاع والميه بالوف
ون كان شي خله تنفّر لنا منك ابدهـا


البدع خالد رجب
مدري نحطك في قبر واسع (ن) وإلا لحد
وإلا نحنط جثتك للذي من بعدنا
لاني لو اوصفك للناس ما اجيد الوصوف
نقول منبع عرف وإلا نقول منبع دها


الرد الهجير

ياخالد انـا قلـت لـك علـم ماقلتـه لحـد
بالله لا يـورد حلالـك علـى منبـع دنــا
ما عد تحصل فيه بعد الضما وبر (ن) وصوف
الشمـس مـا نقـدرعلى لمسهـا مـن بعدهـا[/align]