مية صحّه على قلبك .. يبو متعب عسـاك اطهـور
عساه ايزول عنك البـاس ..ويكمـل للوطـن عيـده
أنا اشهد .. غيبتك ( ساعه ) يبو متعب تساوي ادهور
وهذا حكـم مـن تجـري تصاريـف البشـر بيـده
أشوف الشمس فـ( غيابك ) يجافيها الوهج والنـور
واشوف ( السعد ) متكدّر .. ولـه مليـون تنهيـده
واشوف ( الحزن ) يعبث في خيالات البشر ويـدور
ولا يطفي لهيـب الشـوق غيـر اسمـك وترديـده
يبو متعب ( خطاك السوّ ) .. والدنيا كدر وسـرور
تِصافِينـا ليـالـي ... وأكـثـر الأيــام تنكـيـده
يبو متعـب ولا يخفاكـم انّـك بالمـرض مأجـور
وطبـع المؤمـن ايجيـه البـلا ويزيـد توحـيـده
يبو متعـب بطيبتكـم بنيتـم بالقلـوب ... اقصـور
وهـذا المجـد يشهـد لـك بتعميـره ... وتشييـده
صحاري المملكه في عهدكم صارت شـذا وزهـور
وطير السعد مـن عدلـك .. تباهـى وزان تغريـده
ألا يا الله يـا منـزل تبـارك والنبـا ... والطـور
تشافي باس أبـو متعـب .. ويـمّ اديارنـا اتعيـده
لكم منّا الولا والحـبّ والطاعـه وحسـن الشـور
هذا منّـا وعَـد .. والكفـو مـا يخلـف مواعيـده