[بنت شيوخ]

[] السلام عليكم ورحمه الله وبركآته ..

صبآحكم / مسآئكم : طاعه


كيفكم أخبآركم ؟!

عساكم مبسوطين ومرتاآحين

خلونا من كثرة الكلام وتعالوا أقولكم

كثير اللي يسألون عن خبز التورتيلا وكثير اللي يجهزون مقادير الفاهيتا بس تطيح رجولهم مالقوا الخبز تبعه

ياما قرينا عن كم وحدهـ مترت الماركت تمتير ولا لقته وماخلت سيب بالماركت ولا لقته

سيدتي ربة المنزل لا تتحطمين ولا تيشلين هم من اليوم رآح تسوين الخبز بيدينك


نقول بسم الله ونبدا

.: المقادير :.

=3 كآسآت طحين
= نص ملعقه صغيرهـ خميرهـ
= نص ملعقه صغيرهـ ملح
= ملعقه كبيرهـ سكر
= كاس مويه

أضيفي المقاادير مع بعض ولاتنسين كاس المويه
أقعدي أعجيني فيها لين يطيح حيلك

<<الله العالم هونتوا

لا أمزح أعجنوا فيها لين تصير عجين وشوفوها بالصورهـ





غطي العجينه وتركيها تخمر لمدة نصف ساعه
بعد ماتنتهي النصف ساعه خذي العجينه قطعيها كما هو موضح لكـ بالصورهـ




اذا قطعتي العجين كله وخلص غطيه بفوطه عشان ماينشف



أفتحي النار وحطي عليها الصاج عشان يسخن على مابال تفردين العجين



رشي الأرضيه اللي رآح تعجنين عليها بالطحين عشان ماتلتصق



بعد مافرديتها وصارت رقيقه (رقاق) شيليها وياحبذا تحاولين تمددينها شوي بيدينكـ بس لاتشققينها(تراها خطوهـ مو مهمه)



تخبرين الصاج اللى فتحنا عليها النار خلي نارها هاديه وامسحيها بزيت وحطي عليها العجينه
خلي العجين ع النار لين يصير عندكـ خبز أشقر ولاحظوا قلت أشقر موب متفحم




كرري الخطوآآت سيدتي وبكذا رآح تصيرين خبازهـ من الدرجه الأولى



وها لا فتحت الحافظه وطلعت الريحه اللي تجوعك غصب

طيب اللحين سوينا البخزمعقوله بناكله سادهـ
تعالوآآ نشوف وحدهـ من الحشوات اللي تنفع

.:المقادير .:.
= صحن صدور دجاج مسلوقه مع ملح وفلفل أسود
= بصل مقطع طويل ونحيف
= خس مقطع شرايح
= سماق


.:. الصوص .:.


= علبه زبادي
= خل بمقدار غطاهـ
= 4 ملاعق لبنه
= 3ملاعق مايونيز
= ثوم مقطع طويل ونحيف
= ذرة فلفل أسود


.:. الطريقه .:.
1- نتفي الدجاج وأضيفي عليه الصوص



- أحضري الخبز السابق عجنه وضعي عليه قدراً من الدجاج مع الصوص
3- أضيفي القليل من شرائح البصل
4- أضيفي بعضاً من الخس
5- رشي شوي من السماق



6- لفي الساندوتش لين يصير عندكـ كومه من الساندوتشات الملفوفه



7- أقطعيها من النص بالمايل و قديمها مع ماتبقى من الصوص



وبالهنا والعافيه
ومطرح مايسري يمري


لعشاااق الجبنه
هلا بـ أهل الجبنه هلا بربع أمي
اذا تحبون الجبنه هاتي الخبزهـ وادهنيها جبن سايل بعديني ضيفي عليها جبن شيدر ( كرفت ) مع الحلوم المبشور وبالنهايه أضيفي جبن موزريلاا
دخليها الفرن عشان تسيح وبعدها تهني بمطمطه الجبن



يارب كنت خفيفه عليكم وجبتلكم شي أستفدتوامنة

موفقييييين يآآرب

* ملاحظات
= الخبز لذيذ ونتيجته هايله وينفع مع كل شي
= استخدمته بالفاهيتا وخصوصا فاهيتا إحساس يعني كأنك مدورة خبزها الخاص ولا لقيتيه ترى هذا ينفع وإسئلي مجرب
= كل فترهـ أألف حشوهـ جديدهـ يعني لا تتقيدون وحطي ماتهواهـ نفسك
=وأهم شي بغيت أنساهـ أبشركم مع الممارسه بيصيرالشكل حلو ودائري [
/