[صمتي حكاية]

المشهــد الأول ...

رئيس دولة + رئيس دولة

الأول : وش أخبار دولتـكـ ؟؟

الثاني : الأمور فيها تمام بس مشكلة هالحدود مأرقتني شوي وماتخليني أنام..

الأول : أنتم للحين ماحليتوها ؟؟؟
الثاني : ياخوي أنا أحصلها من الحدود أو الشعب أو ...أو ..
أقول :

صب شاهي بس!!



المشهد الثانـــي ...

وزير + وزير

الأول : وش أخبار وزارتــكـ ؟؟

الثاني : الأمور فيها تمام بس العجز المالي شوي مأرقني ومايخليني أنام..

الأول : للحين ماعرفتوا الخلل؟
الثاني : أنا احصلها من العجز أو الاختلاسات
أو ..
أقـــول:

صب شاهي بس!!



المشهد الثالــث ...

مدير + مدير

الأول : وش أخبار إدارتــكـ ؟؟

الثاني : الأمور فيها تمام بس تسيّب الموظفين شوي مأرقني ومايخليني أنام..
الأول : للحين ماعالجت الوضع؟
الثاني : أنا أحصلها من الموظفين أو رؤوساء الأقسام
أو ..
أقول:

صب شاهي بس!!



المشهد الرابـــع ...

موظف + موظف

الأول : وش أخبار شغــلكـ ؟؟

الثاني : الأمور فيه تمام بس موضوع الإجازة شوي مأرقني ومايخليني أنام..
الأول : للحين ما وافقوا لك عليها؟
الثاني : أنا أحصلها من الأدارة أو المراجعين
أو ..
أقول:

صب شاهي بس!!



المشهد الخامــــس ...

مواطن + مواطن

الأول : وش أخبارك اليــوم ؟؟

الثاني : الأمور تمام بس مشكلة الشغالة شوي مأرقتني وماتخليني أنام..
الأول : للحين ماجتك التأشيرة؟؟
الثاني : أنا أحصلها من من مكتب العمل أو الاستقدام أو ..
أقول:

صب شاهي بس!!



المشهد السـادس ...

زوجة + زوجة

الأولى : وش أخبار عيــالكـ ؟؟

الثانيه : الأمور تمام بس هالبنت اللي ماجاها نصيب شوي مأرقتني وماخلتني أنام..
الأولى : للحين ماانخطبت؟
الثانيه : أنا أحصلها من خطبة البنت أو وظيفة الولد
أو ..
أقول:

صبي شاهي بس!!



المشهد السابـــــع ...

عامل + عامل

الأول : كيف كفيل مال أنتــا ؟؟

الثاني : كويس بس هذا مشكل راتب يسوي تفكير ومافي نوم ..

الأول : ليش هو مايعطي راتب ؟
الثاني : أنا مشكل كفيل أو مشكل بيت مال أنا أو ...
صديق:

جيب شاهي !!



المشهد الأخيـــــــر ...

كل النـــاس بكل فئاتهــا ومكاناتهــا الإجتماعيــة تعانــي من همــوم تؤرقهــا وكل واحدهمومـــه على حجمــه وكلن

( يصب شاهـي على قد البيالـة اللي بيــده)....



م ن