[عســآف]

[align=center]لبيـــه ... كلمــه أصبحت قضيـه لمن لا قضيـــه له ..
أصبحت موضع نقــد لمن لايفقــه في الشعر ولا في الدين ..
لبيـــه .. كانت مطلع لقصيده قديمـــه صالت وجالت بمجـــالسهم .. حبست أنفاسهم ..
عجزوا عن فهمهــا ..
لبيــه ... اسودّت القلوب .. وارتسمت الدهشة ..
فأتى الرد مدويا ..
حفـظوا الأولي .. فاتت الثانية بين أيديكم ..



لبيـــه[/align]


[poem=font="Traditional Arabic,6,#000000,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
لبيه مطلع قصيده سببت ضجـه = بقلوب ناسٍ عليها الوقت حاديني
وجيه فيها زعل ووجيـه محتجـه = ماكني الا خرجت وملت عن ديني
وهي قصيده فكر والفكر لا سجه = بين المعاني يعبّـر كـل مافينـي
شاعر رومنسي ولكن داخلي رجه = يارجة الشعر لا تركد شياطينـي
والا العقل حجتي تغلب مية حجه = يعني مية عقل منهم ما تساوينـي
ياهيه .. ماني من اللي يطرد العجه = رسيت مثل الجبـل والله هادينـي
لكن ليا ثرت مثل البحر له لجـه = الموج روحي وفي قاعه عناوينـي
حرفي صهيل الخيل والموت سرجه = وعيونه المعركه في ساحه سنينـي
هذى سرايا رموشه قادها غنجـه = واحتلت الصدر في غفلة شراييني
ما فيه عرقٍ بجسمي مابعد فجـه = يجري مع الدم لآخر عرق في طيني
لبيه .. يامن بنى في خافقي برجـه = تحت المعاليق عرشه كامل الزينـي
لبيه .. ماهمني لو سببت صجـه = لو تزعل الناس نظره منه تكفينـي[/poem]




[align=center]عســآف [/align]