[* كاتلوني *]

اقتباس: المشاركة الأصلية كتبت بواسطة الراس الصغير      طبعا لون الخط اخترته عشان تعيشون في جو القصه لانها رومنسيه اما القصة اللي نقلتيها اختي غرور انثى فيها عبرة لكل من يعتبر مثلي وغيري وغيرهم وهم وانحن والان انا باقول قصتي بس ارجوا عدم الاحراج < وش دخلنا فيك انت اللي ابتنحرج ايه صح انا قصتي اثناء زواجي بعد شهرين من العسل رجعنا الجبيل وتعرفون العروس توها باقي ماتعرف عني اي شي مع الرغم ان شهرين العسل تكللت بالنجاح والرومنسيه وتخللها الهدايا المهم جاء ذاك اليوم ابغى اعرف مدى حبها لي اسوي تجارب على المسكينه فسويت حركه وتظاهرت باني ميت على السرير وهي المسكينه تسولف وانا مغمض عيوني وساكت وهي تقول وشفيك ماتتكلم انا كتمت انفاسي وهي تصحيني وانا مازلت اتظاهر اني ميت بس والله اللي سويته خطاء واعترف بذلك بس بغيت اشوف ردت فعلها كيف تتصرف في ها المواقف المهم انها ماقدرت تصبر على الموقف وصاحت بذاك الصياح وانا اصريت على موقفي ابغى اشوف كيف تتصرف ومع الصياح سمعوها اهلي كانوا تحت في الدور الارضي ويطلع الوالد الله يحفظه ويدق الباب ويصيح وش فيكم طبعا مع هذا انا صحيت وهي جلست تبكي واهلي مجتمعين عند الباب والوالد دخل وقال خير وشفيكم انا واقف واضحك وهي تبكي وتقول ابو خالد سوى فيني مقلب احسبته ميت عاد الوالد وقتها حندر فيني وطالع فيني بنظرات وبغى يصفقني بكف ارض ارض جو بس الرجال حكيم وعاقل ههههه قال انت صاحي بغيت تجفل البنت علينا عاد انا قلت والله مزحه ابغى اشوف كيف تتصرف نزلوا الاهل وانا ارقل من الموقف قلت وش اللي خلاني اسوي كذا عذبني تانيب الظمير صدق مالي داعي في هذا المزح الثقيل عاد العروس زعلت وانا استنتجت وعرفت مدى حبها لي يا نا دفعها اهم شي اني عرف انها تحبني ام خالد الغاليه < حبك برست من يسوي في عروسته هذي المزحه المهم هذي قصتي واستروا ماواجهتم ولا تسوون مثلي ترا انا سويتها وندمت على فعلتي بس وش اسوي كنت ابغى اشوف هي تحبني وبس هذي قصتي مع عروستي ازعجتكم باللون الوردي والقلوب غصبا عني لانها تعتبر قصة رومنسيه

هههههههههههههههههههههههههههههههههههههههه الصلآح من الله يابو خآلد

أذهبت عقل البنت ضعيفه . والله لو إني مكآنك لأكمل المقلب للأخير

يآخي إحرآج تصحى وتقول كنت أمزح ههههههههههههههههههههههههههههههههههه

لكن مقلب حلو . بصرآحه عجبتني الفكره . خلتي أتزوج وبسويهآ فيهآ . لكن أهم شي نكون قريـبـيـن من بيت أهلهآ

عشآن لو صآر شي ولآ شي بيت أهلهآ قريب وأنآ بيت أهلي قريب . نغدى نـتـشـآكى .