في غيابك
مالمحت الفرح لو حتى ثواني
جيت بابك
ارتجي عطفك .. عذابك
بسمتك .. ظامي سرابك
تكفى ياخلي تعال أرجع عشاني..
جرحك الغالي حفظته وسط صدري
وأدري إن الجرح على هالقلب
بدري
ماقدرت أصبر بدونك ياللي حبي لك مواني
تسهر عيوني تسامر نجمة الليل البعيده
إنتي مثلي يانجوم بعالم الحسره جديده؟
آآه يالحظات عمري
انقضى صمتي وصبري
والمكان اللي جمعنا
وخاتمي وفستان خمري
ونظرتك لي مع حنانك
ودمعتي وقسوة زمانك
وينها أيامنا
تحطمت أحلامنا
وانطفى ضو المشاعر
ومابقى للشوق شاعر
و لإنكسار البوح ناثر
إلا اختناق انفاسنا ..!
بقلمي / غدر الحناجر ....