[الراس الصغير]

السلام عليكم ورحمة الله وبركاته

ارفع لسعادتكم معروضي هذا وفيه افيدكم بأني جبت لكم موضوع جديد طازج مغلف ومكتوب عليه ( على طاري

السالفه انكم لازم تقبلون معروضي هذا
مافيها كلام اجباري

مقدم الطلب المواطن الراس الصغير


كل واحد يختار من الكلمات الاتيه
شقه - ثلاجه - طراحه - تلفون - قلم - سيارة -مواد بناء - سمنت - بطحاء - ديزل - زيت - كفرات - مكتبه - جامعه - كلية - دوام - عزوبيه - مسافر - طياره - سحاب - جو - مساحه - كراسة رسم - جغرافيا - نصوص - برايه -دغابيس - رقاق - سمبوسه - فراوله - عنب - رمان - تفاح - فجل - كراث - جرجير - برشومي - صندقه - ديكه - دجاج - ديك - بيض دجاج - سلالم - محراث- وادي - زراعه- قوطه - خيار- بئر - رعش - درجّ - عزيمه - فول - طعام - مطاعم - لاب توب - كهرباء - وساده - خيمه - حطب

وياتي بموقف من خلاله او عندما انتهي من سالفتي يقول على طاري

يعني انا ابداء اقول

على طاري العزوبيه واللي بعدي الخيار له يختار ويقول ( على طاري )

كنت عزوبي مع شباب ايام الطائف الله يذكرهم بالخير جميعاَ
وهذا الكلام قبل 25 سنه تقريبا

الله على تلك الايام ليتها تعود
المهم كنا ساكنين في شقه في حي قريب من الفيصليه
كنا أربعه اشخاص

والموقف كنا دايماَ نتداوس اي نتعارك بالايدي مزاحاَ

لدرجة ان كل واحد منا ما ينتهي من اي معركه الا ويجد ركبته مصلوخه او كوع يده مجروح

يعني يوميا دواس في دواس من اجل البقاء

كنا نختلف من حيث الاجسام

فهناك اشخاص معصقلين وهناك اشخاص وزنهم كبير

وعلى هذا المنوال يوميا مانتعب دواس في دواس بعدما نرجع من الثانويه

وش تا الحياة

الناس تطبخ وتتعلم وانحن بس نتداوس اعذبلله من الشيطان الرجيم
( دواسنا كما مناقرت الدجاج

جاء يوم وبعد فترة من الصبر والعذاب

قلت لازم اني انهي هذا الحوار

اقصد اني لازم اني انهي هذا العذاب الدواس اللي مامنه اي فايده
تصلخت جنوبنا وركبنا وكيعاننا بدون مقابل

الشاهد في الموضوع

انه جاء يوم
فتماسكنا انا وواحد الله يستر عليه حيث مايكون ويستر عليه

وهاتك مداوسه

وفكنيه وافكك

وهاتك معركه حاميه تخللها مساحنه فوق بساط نايلون وصراع من اجل الفوز

بكلمة انا فائز

المهم دارت المعركه وهنا وهناك محاولات ويكتفني بيده بحركه غريبه ماقدرت اني آتحرك

فعجزت اني اتخلص منه

حاولت مراراَ بدون جدوا اني اتخلص منه
ايش سوا

حط راسي تحت دغدغه ومسك راسي ولا قدرت احركه

وقتها انا سويت طريقه

قلت بأتظاهر اني دخت ؛ ؛ < وانا كذاب ما دخت ولا شي بس ابغى انهي الدواس

طبعا هوه يحرك بيده يعني كأنه يقول هاه هاه استسلام

انا وقتها سوبت اني دخت ابي اشوف كيف يتصرفون

الشباب اللي جالسين يقولون فك الرجال شكله مايتحرك

وهوا مواصل يعاند هاه هاه استسلام
وانا ساكت

وبعد حولي دقايق فكني وانا مازلت امثل اني دايخ

عاد تعالوا شوفوا وش صار

كل واحد يصفق بيده على رقبتي

وواحد جاب مويه ويغرقوني بالمويه وانا مازلت مستمر على اني دايخ

ابي اشوف كيف يتصرفون

وما اسمع الا كفوف على الرقبه والظهر طبعا الوجه يشهد الله ما جوه ولا قربوه

بس الكفوف على الراس والرقبه شي جامد وانا اتحمل واصبر في سبيل الوطن


وهاتك مويه ويغرقون راسي ويقولون وش السوات يا ولد ماعندنا سيارة

وكان الوقت اخر الليل

يعني اسمع كلامهم وهم يحاولون ينقذوني باي طريقه

قال واحد منهم يا شباب ما فينا نصبر خل واحد ينقز للشارع ويروح يجيب اسعاف

والا نشيله ونوديه اسفل الشارع ونوصل لاقرب مستوصف

دب الخوف فيهم لانهم اول شي اني من قبيلة وهم من قبيلة ثانيه

قالوا لا يصير فيه شي موت والا شي يودينا الى سجن وديه وكلام من هذا خخخخخخخخخ

عاد وقتها يوم همو على ان يشيلوني ويخرجون بي الى الشارع

قلت هاه وش فيكم صحيت كاني توي طلعت من الغيبوبه الله يجيرنا منها

أأأأأأأأأأأأأووووه أأأأأأأاااااااااوه أأأأأخ يا راسي

عاد فرحوا يا رب لك الحمد

انت بخير يانا دفعك
وصار كل واحد منهم يسلم على راسي واللي يبوس واللي يظمني

فرحانين اني على قيد الحياة

فبعد ذلك جابوا لي اكل وعصيرات وانا مسوي اني كنت في غيبوبه ؛؛؛؛ < قلت خلني اتدلع عليهم شوي

واسألهم وش صار ؟؟؟؟؟؟ظ

قالوا لي هذا اللي مسكك ماخلاك تتنفس
زين انها عدت على كذا الحمدلله انك بخير وتوبه لاعاد نمزح زي هذا المزح

وبعدها يا اخوان وبعد هذا الموقف اللي صار ماعاد زدنا تداوسنا في شقة العزوبيه المزعومه


يعني كانت نهاية الدواس هذا الموقف اللي انا اخترعته وطبقته في سبيل انها الدواس

لانهم خافوا تصير اشياء لاتحمد عقباها

وانا ماصدقت على الله تنتهي هذه الحروب لان ركبنا تملخت من كثرة المعارك

لا والمشكلة اننا نتعارك فوق بساط نايلون خفيف


هذي قصتي عن العزوبيه

اللي بعدي يقول على طاري وينطلق