[طارق الكناني]

ههههههه
ذكرتني بموقف حصل لي كنت راجع من القصيم قبل سنتين في شهر رمضان وكنت اقول ما بفطر ابغي الاجر وعند ما وصلت أول محطة او ثاني محطةعلى خط المدينة -مكة قلت ياولد بلا صيام المسافر معذرور وكنت صراحة متعب ومنهك لاني ما رقدت بالليل واتعبتني السيارة في الخط المهم وقفت السيارة ونزلت ابغي عصير وتصبيرة وكان وقت آذان الظهر فدخلت البقالة وكانت طويلة ورحت عند الثلاجة في آخر البقالة أنقي فى العصيرات مرة اقول بخذ ذيه ومرة اقول لا ذية أحسن تعرف الظماء والجوع اللة يكفينا شرة وعندما رجعت ابغي احاسب والا ما حد فية قفلوا الابواب وراحو يصلون وكلما مر حد اشرلة و اقول افتح افتح من وراء الباب فيشرون بايدهم على ان صاحب المحل راح يصلي قلت في نفسي اللة يستر لا يجي ذلحين ويقول حرامي ويبلغ واللة ماني فاضي لة وعندما جاء ابديت لة اني زعلان بسبب قفله علية وقام يتأسف واللة واعطية فلوسة واضرب الباب وعند ما وصلت للسيارة الا واختي الا معية ما هلا تضحك الين وصلنا مكة كلما تذكرت ضحكت صراحة كانت(تنشطني بضحاكها )لاني منهمك ما عاد ابصر من التعب والارهاق

وكان صراحة اتعب سفر في حياتي حتى الان ولن انساه ما حييت تخيل مشيت من بعد الفجر ما وصلت الا بعد المغرب وذلك بسبب انه بعد ما مشيت 50 كيلو عن القصيم جتني مكالمة من الوالد اللة يحفظة ونسيت التعشيقة على الرابع فاعطيت السيارة اقوى من حقها الطبيعي في بالي مع المكالمة انها في الخامس فانفتح من اللديتر فتحة صغيرة يخرج منها الماء وعندما عرفت ان اللديتر انفقع قلت ما عاد فية وقفة الا في مكة ان شاء اللة وكلما مشيت 50 كيلوا ارتفعت الحرارة ووقف وانزل اعبي اللديتر ماء وعلى هذي الشغلة لين وصلت مكة
اللة لا يعيدة من يوم
لذلك أنصح اي واحد منكم أخواني لا يسافر سفر بعيد الا ومعة سيارة صاحية حقت خط

شكرا لصاحب الموضوع واعتذر للاطالة .....لاعدمناكم.......