[الشغموم]

هذي قصيدة كتبتها في الفراق واتمنى ان تحوز على رضاكم


طرالي ماضي(ن) ولى زمانه وانتشا حالي
تذكرت الحبيب اللي ملكني والتوى فيني
ملكني بالدلال وبالحسن والعين والخالي
تمكن في الحنايا وارتكز وسط الشراييني
عبث في مهجتي يوم الزمن ما يرحم الحالي
حذفني بالسهام وحاذفنّي قبله سنيني
عقبها ما نسيته دايم ن يطرى على بالي
ومجلسه الخيال ودلتي به مع فناجيني
اذا زار الخيال اكرم جنابه واركي دلالي
اجل وش فرحتي لا فكر انه يوم ن يجيني
وانا من لاعج(ن) باقصى الحشا ليت السعد فالي
وانا مادري من اللي صابني يا صاحبي ويني
نهجت ارض(ن) فسيحة وانقطع بي دربي الحالي
ادوج ابتختخ(ن) مابه علامات او عنواويني
على الله الجزا كنه نهب حالي على مالي
اردد ونتي واسجع بها كل ساعه وحيني
تجرعت المرير ولا شربت الصافي امحالي
سراب اللال اشوفه واتبعه والقاه يغريني
تحديت الليالي بالصبر كون الصبر طالي
صبرت ولا صبرت الا على شان اكحل العيني
صبور(ن) في الشدايد والعدو ما قرب لجالي
عذولي ما وقف لي وان وقف له عاقب(ن) شيني
علام صويحبي لي ما سخى لو ساعة اوصالي
علام صويحبي لا طابت الساعات يجفيني
تكبر صعر الخدين عني سار واختالي
واحس ان الغرام اصبح خيال(ن) بينه وبيني
نهايات الصبر فقد الشعور وضيقة البالي
وانا ضاقت حياتي والشقا شع ابدواويني
وانا كنت احسب اني كالحجر في روس الجبالي
واثاريه الحجر لو ينّحت رغم القسا يليني ،،،،