[مـ ـخـ ـرِبـ ـهـ ـآ]

وجيت هناك ,,
عرفتي ايش يعني هناك ؟!
هنااك ,, هنااك
{ .. كما غبتي !
على توقيت هذا الحزن ,,
كنت هناك
ثمان ونص ,,
{ .. كما غبتي !
وهو موعد تفارقنا/ شعرت ان الكلام يغص :
كنت هناااك .. }
وانا اذكر من تزوجتي| وانا اشوف الحزن ياخذ يدي وياه ,,
نروح هنااك ,,
كأن الوقت يتمدد كما افعى !
ويتلوى على اللحظه
وتصرخ آآآآخ
{ .. كما غبتي !
وانا اعرف من تزوجتي ,, بأن الليل يبقى ليل ,,
{ .. كما اول اذا غبتي !
بيجي للصبح يتسول كما غبتي ,,
بيجي يسرق مناديلك ويمسحني
{ .. كما غبتي !
بيجي يجمع صور حزني .. ويتمهم ..
بيمر اطفال قريتنا بيتمهم كما غبتي !
وانا اعرف من تزوجتي ,, كأني ارمي على هذا الورق وجهي ,,
او انه وجهه يشبهني !
{ .. كما غبتي !
او انه وجه يشبهني ,,
{ .. كما غبتي !
{ .. كما غبتي !
كثير اشياء بقت بعدك ,,
حزينه وتكسر الخاطر
كثير اشياء
{ .. كما غبتي !
شوارعنا
دروب النور
سكتنا
وضحكتنا غدت ديجور
وحزني / وثوبي البني ,,
[ بقى بني ! ]
{ .. كما غبتي !

حارتنا / ستارتنا / عيون الناس / وشباكك بقى وردي !
عيوني ماهي عيوني ,,
وحتى الشمس ذبلانه ,, حزينه ولونها بني !

{ .. كما غبتي !

ولا عاد الشجر مورق
و حزينه بعدك البيبان والاغصان
كئيبه بعدك اللحظه !
هرب من وجهها الاسمنت
هـ الجدران كئيبه / لونها بني !
{ .. كما غبتي !
وانا يا انتي ,,
مثل ما انا .. كما غبتي !
امر الشارع بـ ضيقه كأن فيه الافاعي تفح !
وكنت اكح ,,
من التدخين وغيابك !
كأن اسفلت هـ الشارع رئه لمدخن مذبووح !
كأنه قلب ,,
صابه فقد ,,
وتحول كل هذا الحب حاله حقد !
امر الشارع بـ ضيقه
{ .. كما غبتي !
وتعرفني وجوه الناس ,,
نسا القريه / وشباب صغار ,,
عجوز تفترش بسطه ,,
تبيع كنار !
ويعرفني هنا الزوار ,,
واقول ان البيوت ثياب ,,
واسمي ابوابهاازرار !
وتعرفني وجوه هناك ,,
ما اعرفها !
واسـمع ناس توشي بي ,,
" علامه تايه محتار " !
ولا اتلفت !
واحس الدنيا يا انتي ,,
{ .. كما غبتي !
عطتني ظهرها ورآحت ,,
{ .. كما غبتي !
عرفتي ليش رحت هناك ؟!
عليّه ضاقت الدنيا ..
{ .. كما غبتي !
ودورتك ,,
انا ادري بك تزوجتي وجاك عيال ,, لكني تصورتك :
بـ امر بخاطرك ليله ,, وتغنيلي مثل اول ,, وتغني طرقة الشيله !
وياخذني السديم هناك ,,
يعلقني كما عصفور في شباك ,,
امانه صدق جوك عيال ؟!
شـ اساميهم !
احب اضحك مع الاطفال ,,
طيب ليش ما جيتي ؟؟
احب اسمع اغانيهم !
اكيد انتوو سكنتوو ,, بعيد وشريتوا بيت ,,
وزوجك اعرفه طيّب ,, يجونك ناس نعرفهم !
عيونك مثل ما اذكرهم ,, وضحكاتك مثل ما كنت اسكرها ,,
الى هـ الحين / تحبي الشاي بـ النعناع ؟!
عرفتي ليش رحت هناك ؟!
تعرفيني الى هـ الحين كلي هناك ؟!
{ .. كما غبتي !













عآرف سرور