[حسين المعنى]

[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
(يوم اقبلت صوت لها القلب وانزاح=عن خاطري همن كبيرن مقيمي)
ناحت وانا كلي مع نوحها ناح=شعله وطاحت بالحيا والهشيمي
اثره الوله والشوق والحب فضاح=والود ماهو سهل شين عضيمي
قالت لعينك جيت بحزان وافراح=منها الجديد وبينها اللي قديمي
جيتك وقلبي يعلم الله مرتاح=لنك على الهقوات يابن تميمي
اخترت روحك ياغلا بين الارواح=واللي بجوفي خالقي به عليمي
قلت ارحبي يابنت الاجود وش راح=يجيك بسرع وقت حاضر سليمي
قالت غيابك موت والشوق ذباح=يلين القاسي ويصبح حليمي
صحيح انا قفيت في بالي ارتاح=ماكنت اضن القلب يغدي خصيمي
مافيه ليله مابكاني ولا صاح=اهيم وادري انك بحبي تهيمي
صارت حياتي بعدك اهموم واشباح=مافيه شين داخلي مايضيمي
ديارنا القفره عليها المطر طاح=ودياركم مخطا بها كل غيمي
اسهر عيوني غيمتن برقها لاح=تمطر عذابي تحت قلبن رحيمي
ياحسين مادام الوصل بينا تاح=اقول من يجفا حبيبه غشيمي
هذي علومي وانت للعلم مفتاح=ماني بعلامه ولانته عليمي
قلت المحبه بحر كان البحر باح=والله لتبقى وانت فيها تديمي
جيتك تسوى الروح عندي والارواح=انا احمد الله الروف والكريمي
لا تحسبين الحب لاجا ولاراح=الحب رجلن حشمته للحشيمي
تدين شوفك يبعد اهموم واجراح=يغني عن الدنيا وكل الحريمي
مدي يدك مادام عطر الهوى فاح=لبقى غيومه والمطر والنسيمي
الله جمعنا بين خسران وارباح=واقفت يتيمه مثل ماني يتيمي[/poem]