[عاشق الاحزان]

بسم الله الرحمن الرحيم اخواني في منتدى الشعر اقدم لكم هذه القصيده التي اتمنى ان تحوز على رضاكم واستحسانكم


الله على دنيا الألم والتعاسه
من حزنها اللي قام يعصر فؤادي
فيها الفرح قدام بابه حراسه
مقهور مايبغى يحقق مرادي
والنور لاشفته تبدى غلاسه
وامسى كما ليل" شديد السوادي
والطفل قدامي يسوي فراسه
يبغى يعلمني شرابي وزادي
واللي هواني صار طبعه شراسه
ان جيت والا غبت ذا شي عادي
دنياه دوني يامحمد وناسه
اليوم قلبه صار يقوى بعادي
واللي رمى قلبي ولاصاب باسه
اليوم يرصد وين ماكنت غادي
واللي سقاني سم في وسط كاسه
جيت اسأله ويقول لي كاس كادي
ويلاه من دنياي دنيا التعاسه
ترسل علي الحزن في كل وادي

اللهم صل على محمد وعلى آله وصحبه أجمعين سبحانك اللهم وبحمدك ، أشهد أن لا إله إلا أنت أستغفرك وأتوب إليك