[حسين المعنى]

[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
واروحي اللي من الاشواق محدوده=اشوفها غصب ماهي كيف منحده
لاسامح الله من جاب البراموده=من بحر عمان والا من بحر جده
لها الاحاسيس والعينين مشدوده=مافيه روحن تراها غير تنشده
تذوب القلب وتصحي به ارقوده=وان قامت النايمه تبطي بلا رقده
تعذب المنحرم وتحد وتروده=تفرض عليه الوله لو مابه الشده
شيطان لباسها يديه مفروده=تمسك ومن ضمته تكسر جدر سده
لو يلتبسها القرض حلت قشر عوده=تعطيه منضر زريف الشكل ينعده
وش عاد لوهي بعود الموز مشدوده=بالفور تعمي عيون اللي بها لده
تضيع العقل وتورد لمنقوده=كم مسلمن كافره واجه بها ارتده
من بعدها راحت الاحساس مفقوده=تهيض امشاعره وتسبب الفقده
تاخذ من المجتهد ثلثين مجهوده=مهما تبعد مع الافكار تستده
والثلث الاخر يجور ويبتدي زوده=يقطع الصابرين ولا برد حده
بفكار متوسعه وافكار محدوده=مافيه مخلوق شين فيه في يده
العين للقلب دون الشك ممدوده=والباقيه كلها مالقلب تمتده
شاهدتها وبتليت بنفس نمروده=تلعب بقلبي على هجمات مرتده
شيهانتن كنها لصيد مهدوده=قلوب صيداتها من قبل تنهده
ان ماتوزت بجاه الله مصيوده=مافيه غير الله اللي يكتب الصده
جبال صلبه من الاسباب مهدوده=والبني لوراح جزون منه ينهده
ماكل حاجه تروح منك مردوه=يالادمي بعض الاشيا مالها رده
النفس شينه وعجاله ومقروده=من طاعها صفقت بيدينها خده
الصفر باروده اللي زف عبروده=لولاه ماطقه النادوس ورتده
يالله يالله سهل كل محموده=واجعل دروب الخطا بالعين تنسده[/poem]