السلام عليكم ورحمة الله وبركاته
صباحكمـ / مسائكمـ رضا الله تعالى
لا اعلم كيف أدون موضوعي فهو يتطرق إلى اكثر من نقطة وكلها والله تجعل في القلب حرقة
مابالي أرى فتياتنا لم يعدن فتيات ؟؟؟
نعم لم يعدن كذلك وانا لا اعمم ولكن رأيت السواد الاعظم منهن كذلك رأيت البنات وقد قصصن شعرهن قصات شعر
والله مااعرف مسمياتها اللي تقول قصة شوجي اللي تقول بوي واللي مدري ايش لكن انا اسميها كلها قصات اولااااااااد
ليش لأن الشعر حتى ماوصل لشحمة الاذن وغير كذا مسويته بطريقة وربي استحي اشوف اخواني الصغار يسوونها فمابالكم بفتيات
لكن بعض التسريحات والقصات بدل ماتعطي البنت انوثة تعطيها مظهر ثاني دل على انها باختصار ولد
والله شعر اخواني اطول منهم هههههههه
ياليت جت على قصات الشعر اجي للوجه ياناس بنات وربي لاعبين بوجيههم بالكريستالات
وانا مااعرف ليش يحطونها بهالشكل المقزز اللي حاطة كرستال تحت جفنها
واللي حاطته فوق الجفن واللي تحطه تحت الشفايف يعني بالله عاجبك منظرك بهالشكل المشوه ؟؟؟
وخلونا من شكل الوجه على جنب والقصات كمان على جنب
نجي للعبايات وربي اني فتحت فمي وانا اطالع فيهم اقول ياربي ذي عبايات والا فساتين والا قمصان والا ايش بالضبط
يعني عباية المعروف لونها اسود طيب ليش الكم لازم يجيك لون مغاير تماما اللي تحطه فوشي <وردي> واللي ليلك <بنفسجي بدرجاته>
واللي كم عبايتها جلد نمر واللي كم عبايتها ابيض واللي ... الخ وبعض العبايات اطالع فيها استريتش ليش >> نوع من الاقمشه تستخدم في البلايز النسائية ليش استريتش وبعضها لازقة على جسمك بالله هذي عباية ؟؟؟
لا وانا كنت متحملة وساكته قلت يمكن بس هنا للاحتفال وبس
لحد ماوصلت للباب وهممت بالخروج واذ بي افاجأ بخروج الغالبية بدون غطاء الوجه يعني يادوب انها بس لفت الطرحة على راسها حتى شعرها ماكلفت على عمرها تدخله تحت العباية
والبعض منهن بكامل زينتها وشعرهم طويل وطالع من الطرحة واذا مررره تغطت مررره حطت لثمة يادوب على الشفايف ؟؟؟
هذولي يهون امرهم عند اللي تطلع برا بس بالعباية والطرحة راميتها على كتفها وتمر من عند الرجال وكنها مرت من عند بزر صغير
هذي مناظر شفتها للاسف في السعودية ارض الحرمين الشريفين وتحديدا في احدى الجامعات الخاصة ليلا لوجود احتفال وبازار < سوق به منتجات غالبيتها من صنع ايدي الفتيات أو تسويق لشركات>
وتمنيت اني مارحت لأني شفت اشياء عمري ماتخيلت انها ممكن تكون موجودة عندنا لكن أسأل الله لهن الهداية ولنا جميعا
طرحي للموضوع لمن يريد النقاش بدون طرح اسئلة مني لأني فعلا ماقدرت اجمع واكتب أسئلة
بقلمي ومشاهداتي العينية وحــُــرقة قلبي