[عبدالمجيد الزهراني]

اهداء :
- الى اهالي قرية الدعبة عامة.
-الى كافة اسرة ال علاس جميعا , والى والديّ الموتى بشكل خاص , العزيزين : خضران سعد علاس , وعبدالرحمن سعد علاس.
- الى الصديق صالح سعد علاس , والى زميل الدراسة الحبيب عبدالرحمن سعد علاس.
- الى زميل الصحافة والابداع , الرسام المبدع الجميل حسام خضران علاس.
عزاء الشعر لكم في من فقدتم , وعزاء الشعر في ارواح عشرينية طارت الى ربها على جناحين .

ملاحظة:
ابن متّا هو نبي الله يونس عليه السلام.


[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
الريح تصفر بس تصفر الى فين=والعشب ماتسمع لصوته تهسهاس
والصمت يتمشّى على حزن رجلين=وبيوت تتعنز على ظهر ونعاس
بيتين تتسند على كتف بيتين=كأنما القرية بلا جسم ولباس
والليل موحش والبكا دون تلحين=والفرح كفّن كلّ طبله ومرواس
والحزن متدلّي على طوب سطحين=لاصوت , لانسمة تخرفش بقرطاس
يافرح ياكذاب وجهك بوجهين=الحزن وافي وانت كذاب هلاس
والحين قلي ياطويل الذراعين=ياموت يااللي تقرع الخوف باجراس
خذت الثلاثة ليش ؟ ماكفوّا اثنين؟=ياهادم اللذات ياباني الياس
واذا ثلاثة , كم تبي من معزين=ياموت جاوبني قبل تقفل اقواس
نثرتهم دمُ و عقال وشماغين=والله جمعهم علم واحبار كراس
آله لايقبل بفكرة آلهين=به تحرق الجمرة وبه تقطع امواس
اقسم بصبحه لاتنفس شعاعين=واقسم بليله لاتعسعس تعسعاس
يرزق بعدل ولاظلم بين عبدين=يرزق امير بقدررزقه لكناس
احنا الحزانا ياالبيوت المحازين=والدمع دمع عيوننا يا ال علاس
من طين نخلق لأجل ندفن في الطين=فوقه ندوس وتحته نصير ننداس
لا والذي قدرته تمسك جناحين=ان الثلاثة ضربةً مالها راس
مصابكم يا ال علاس سكين=من صدركم تخرج الى اصدر الناس
مصابكم يهتز منه الشديدين=لو يلمس اقسى قلب خلاه حساس
الموت طعنة ظهر جت بين عرقين=كطعن ظهر كليب من يد جساس
اما الثلاثة فالثلاثة رياحين=فردوسهم حور وسراير ومجلاس
اما الثلاثة فالثلاثة مُحاطين=بالسندس الاخضر وولدان الالماس
باعوا لنا الدينا تجارة دكاكين=بعد اشتروا الكوثر شراء مابه افلاس
ماتوا قبل مايوصلون الثلاثين= يادوبهاعشرينهم تلقط انفاس
بلا وثائق جامعة او مهنين=خذوا شهادات الاصابع للارماس
ماهي بوخزة شوكة الطلح والتين=والله انها شوكة من الراس للساس
يادار هلي دمعة العين ثنتين=لاتنكسي يادار دمعتك نكاس
يا ايد الدعا , ايدي مع ايدك , مع ايدين=متزملة ونات متدثره باس
ادعي بدالي ثم قولي لي امين=دعوة خنوع وضعف خوف وتلمّاس
قولي معي يارب مريم وياسين=مضيء ظلمة( ابن مّتا) في الادلاس
من الدمقس البسهم المتر مترين=ومن الزرابي بثّ دون اي مقباس
وفي شآبيبك ورحمتك واللين=خذهم وفكّههم بفيّة ونسناس
لولا القدر ماسال دمع الزهارين=ولاتقوّس ظهرهم هالتقواس
معكم بنتوجد توجّد بوجدين=وجد الذي يسجن بدون اي حرّاس
وجد الذي يشكو من البعد والبين=لاماس غصن البعد بالدمع مياس
وجد الذي يبكي ولاتسعفه عين=من فجعته صارت شفايفه يبّاس
وجد الضرير اللي مواجه طريقين=عصاه عميا والمتاهات غلّاس
وجد الحيارى والعباد المساكين=لاصار واحدهم من الهم محتاس
وجد الذي فارق قرابة عزيزين=صوته ضعف واصبح كهمس التهماس
يلتف حزنه معه تحت البطاطين=واذا تشمّس شاركه في التشمّاس
دنيا دنيئة ماتساوي ريالين=لاتملك احساسٍ ولاتمنح احساس
لها يسيل لعاب عالم ملايين=ومائها كذّبه سابح وغطاس
على الارائك تحتهم ماء نهرين= من العسل والخمر والكاس بالكاس
لاباس ياكبر اجركم يالمونين=لاباس يادمع ال علاس لاباس
الله طلبكم وانتم ايد الكريمين=تعطي ولاتمنع بوسواس خناس
لوما اسعفت خضران وآخوه ساقين=فايمانهم يوقف ويستقبل الناس[/poem]