يا كثرهم لا قلت لك :
عـرفة وجيـه
ويا قلهم لا قلت قدر ومعزه
رجلٍ تعزه بعد ما تلتقي فيه
ورجلٍ قبل ما تلتقي به تعزه
ورجلٍ ترزه بـ المجالس مباديه
ورجـلٍ فلوسه بـ المجالس ترزه
ورجلٍ يموت ولا يجيبون طاريه
ورجل ٍ يجي طاريه في كل حزه
ورجلٍ يهزه بعض موقف ويشقيه
ورجلٍ مهوب أيّات موقف يهزه
ورجلٍ ضعيف ويستفزه معاديه
ورجلٍ كلام اعداه ما يستفزه
ورجلٍ تلزه يعترف لك بـ خافيه
ورجلٍ على خافيه محدٍ يلزه
ورجلٍ يوزونه ويزعل بنيخيه
ورجلٍ يزعّل من يحاول ، يوزه
ورجلٍ تكزه لا زم انك توصيه
ورجلٍ بليّا ما توصيه كزه
من لا فرش للمرجله ما تغطيه
ومن لا يخز الناس محدٍ يخزه
ان كنت تعرفني فهي عرفة وجيه
مو شرط لك بـ القلب قدر ومعزه