[السلطانة]

[ALIGN=CENTER][TABLETEXT="width:70%;background-color:chocolate;border:3px double deeppink;"][CELL="filter:;"][ALIGN=center]
يمر الوقت ومانحسب حسابـهـ والعمـر يجـري
ولا ندري متـى نرحـل مـن الدنيـا ومافيهـا

عجب شفت من الدنيا هموماً ضيقـت صـدري
وشفت البعض يتسلى على جروحـي ويحييهـا

إذا بعض البشر يهنى علـى غيـرهـ ولا يـدري
ترى أقسى من قسى الصخرهـ عيون الناس نبكيها

أبي أفهم متى العالـم تحـس وترفـق بعمـري
عجزت أفهم مشاعرهم وبعض النـاس يخفيهـا

ضحكت بوجههم دايم وسقيت الحلو مـن مـري
وأشوف وجيههم تعبس بشوفـي وأنـا أداريهـا

قريت الظلم بعيون البشر من هـول مايجـري
وشفت البعض يستأنس على نفسـي وشقاويهـا

أبروز داخل عيوني بقايا مـن صـور قهـري
وأكسرها على أهدابـي بقايـا دمـوع أهليهـا

أواسي الناس بالضيقهـ وأتحمل حمـل ظهـري
ونفسي بساعـة الضيقـهـ أدور مـن يواسيهـا

وحيد بصحبة أوراقي ومرسم كم نزف شعـري
وبقايا من قصايد حب عجزت أوصـل معانيهـا

خطاي إني وفيت بقلب سرى صدقهـ مثل يسري
بعرقي دمي وأتعايـش مـع نفسـي وأحاكيهـا

أسولف مع نجوم الليل وذاك الساهـر القمـري
وأسترجع سوالف حب ذبحنـي ذكـر ماضيهـا

أفتش عن حضور الحزن وأشوفهـ حاضراً بدري
وأفراحي نسـتني مثـل ماكنـت ناسيهـا

كثيرهـ أحزان هالدنيا كثر هـذا الرمـل وأدري
أبـد مايـوم أنـا تهنيـت باأيامـي ولياليـهـا

أعشم نفسي في بكرهـ ولكـن هالبخـت عثـري
تعبت منـي أقدامـي علـى بكـرهـ بخطاويهـا

تعبت أحلم وأتوهم وضاع العمر مـن عمـري
كفايـهـ ماتـت أحلامـي وأنـا لليـوم أرثيهـا

دفنت بداخلي حلماً بنيتهـ مـن عـرق صبـري
تخيل كم صبرت سنين وكـم طاحـت مبانيهـا

خلاص الوقت مايرجـع هـذا حظـي وقـدري
مـادام إن العمـر ساعـهـ وتحكمهـا ثوانيـهـا

[/ALIGN][/CELL][/TABLETEXT][/ALIGN]