الله لا يسقي أول ابتدائي التي رسبت فيها رغم بساطتها ولا أظن أحد رسب فيها قبلي
والسبب المدرس السوداني عصام أبو كعشه .. كعشته زي كعشة فيصل علوي الله يرحمه
كان زي الأسد في الفصل وأحنا زي القرود من حوله ... مرة يقول قوموا كنسوا الفصل .. ومرة يقول جيبوا تجليد للطاولات ومرة روحوا افطروا في الحوش وهكذا ... والدراسة ما شي ولا دراسة " تكنيس وتجليد وفطور ودق حنك
وفي آخر السنة رسبت في مادة واحدة .. وطبعاً الأهل ما توقعوا إني راسب وأخذنا الوالد للديرة نقضي الصيفية ... ويوم بدت الدراسة السنة اللي بعدها رحت حضرتي محد قدي طالع صف ثاني .. شوي إلا المدرس يقول أنت وش جابك هنا .. طبعاً ما عرفت أرد عليه .. قال انت راسب ولا زم تعيد السنة ... وأنا فاغر فيه ولسان حالي يقول خير يا طير راسب راسب بس بقعد مع زملائي ... >> ما يدري وش معنى الرسوب
المهم أنهم رسبوني وعدت السنة وأخذت لي قلبٌ إلى أن تخرجت من الجامعة .