هلا كت كاته
عندنا شارع بالرياض اسمه حلّة العبيد
بصراحة ماعمري طبيته بحياتي الا مرة وحده واظنها آخر مره بس لو تحبين اروح له مرة ثانية اروح لعيونك
سمعت ان عندهم معاصر للزيوت طبيعية مثل زيت السمسم واللوز والزيتون وكذا
فجنب المعصرة كان في يمني عنده محل توووحفة يبيع فيه جرار مويه وصحون وطناجر من فخـّار وقدر مصنوع من الحجر اتوقع وزنه 30 كيلو ثقيل مره ولأني مستعجلة وهو قاعد يوصف لي طرق الطهي فيها شريتها وطلعت
قدر الفخار يطلع طعم الايدامات فيه يجنن مثل نكهة إيدامات مطعم الفخار اما الحجر فقالت لي وحده عسيرية انو ينفع اسوي فيه اكلات مدفونه بالجمر بس حسيتها مشوار والحين تأكدت أنه فعلا مخصص لكذا من هالموضوع
وبس ياستي لو تبغين اشوف لك واحد آمريني وابشري
