[@بن عايده@]

[poem=font="Simplified Arabic,6,darkred,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]
قلبي حرقه اللهب من جمرة آلامك=بعد اتصالك ظلام الحزن غطاني
ودي بنور الفرح قلت امسح ارقامك=لكن من بيمسحك من جوف وجداني
بادي هنا عيشتي من بادي ايامك=وايام فرقاك تحسب عمر لاحزاني
ياليتني لو عقال أي" من اعمامك=ويزورك البيت ثم يرجع وينساني
يادمث الاخلاق حتى بين ظلامك=باعتى القضايا يجي يدعي لك الجاني
قصرك رجوله وطيبك ضمن خدامك=والحلم حارس وجودك فيه بيباني
اما خيالك كنانه تحوي سهامك=ومن اللغة والادب لك سرج وحصانِ
اكبر من الشعر مدحي فيك ومقامك=مير اجبرتني معاني شعر واوزانِ
قالت عبادي بشدّة وقتك حزامك=سطّر له ابيات تكفى لو على شاني
قلت ابشري, ياقصيدي جهز احرامك=اليوم يقبل عليك عظيم الاركاني
مدح النشامى ركن ترفع له اعلامك=وشلون لو في عبادي تنشد الحانِ
لكن عبادي! بقلك شي قدامك=عندي طلب والحيا منك يتغشاني
ارضى على الموتر اللي كسّر عظامك=هذا القدر ماصدم موترك بالعاني
وشلون يصدم ويرضى توقف احلامك=وانته غرقته مطر من غيمك الحاني
اصبر وهذا الحدث لا يخلف نظامك=تكفير ذنب وقدر من رب رحمانِ
وانا معك بالحقايق واعرف اوهامك=في مهجتك لو تدوّر لي بتلقاني[/poem]