[جمعان مفرح (ابو طلال)]

أخي شبل سبيحه مره قال لي المرشد يوم ربوع تسافر معي جده قلت فوقها . قال البس لين آمرك . قلت طيب . بعدها بدقائق اتصل بي زميل قال أنا نازل جده تخاويني . قلت أنا مرتبط مع المرشد ونازلين جده قال هاخلو دربنا واحد نمشي في سياره واحده . قلت خلني أستشير المرشد وارد لك خبر لأني أعرف غرم الله ما يرتاح مع أي واحد . اتصلت به قلت ياغرم الله فلان يقول نازل جده إش رايك ناخذه معنا والا مالك نيه فيه . والا تبغانا ناخذ سيارتي أو سيارته وننزل في واحده منها قال أبد فلان من أعز أصدقائي وأسعد الحزات ينزل معنا . واثره ماله نيه بس يجامل . بعد خمس دقائق قلت ياغرم الله تجهز آني في الطريق أنا وفلان . قال الله يلقيكم خير حصل لي ظرف وما اقدر أنزل معكم وأجلت النزول جده الى الأسبوع الثاني . المهم مشيت أنا وزميلي ووصلنا جده وكنا نروح لناس عزوبيه نجلس عندهم الى يوم الجمعه ونطلع ويوم دخلنا العزبه في جده والا وغرم الله المرشد قاعد يشرب في الشاهي وصل قبلنا بسيارته . المهم زعلت عليه وتكلمنا على بعض وترك فنجال الشاهي ما كمله وأخذ ملابس له من العزبه جدد فصلها سابقا ولا أمسى إلا في الديره .

ومره سافر مصر مع ناس من الجماعه ووصلوا القاهره وحصل بينهم سوء تفاهم واليوم الثاني وهم راقدين صحيوا ما حصلوه أتصلوا عليه قالوا جب لنا فطور . رد عليهم من الباحه قال سلمو لي على الأسكندريه أنا في طبقاء وطبقاء هذا كان ملعب نلعب فيه الكوره في القرية ( تعقد منهم وطلع الديره رقد في مصر ولا أصبحت عليه الا في الباحة )