الموضوع: مواطن صغير ...ممنوع دخول الكبار
عرض مشاركة واحدة
  #1  
قديم 11-01-2011, 11:49 PM
الصقر المهاجر الصقر المهاجر غير متواجد حالياً
 






الصقر المهاجر is on a distinguished road
افتراضي مواطن صغير ...ممنوع دخول الكبار

انا مواطن صغير .. وماعندي طموح كبيرة .. حتى ولو عندي طموح
وش هي طموحي .. حدنا سيارة وحدنا زوجة وبيت .. هذه كل امالنا

لا ولا مره حلمنا نطلع للقمر او اننا نصنع شيء عدل او حتى نكتب سطر
مو غريبة حالتي .. انا مواطن صغير

مواطن راس مالي .. مية في جيبي .. اللي بقى من الرابت واللي صفى
طبعا بعد قرض البنك وقسط سيارتي المتهالكه وفاتورة الكهرباء المتراكمة
واما راعي البقالة اللي في اخر الحارة ماقدرت اسدده هالشهر ..
مقدر حدودي ما تسمح .. انا مواطن صغير

عاد ناوي الشهر اللي يجي ما افكر غير اسدد هالاجنبي اللي في البقالة الصغيرة
حسابه صار الف .. تدري انه نص راتبي .. وش اسوي ماقلت لك ...
هذا حالي انا مواطن صغير

مالي طموح وكيف اطمح والعقار في عالي مستواه .. مثلي يقسط الحلاق كل شهر
حتى سدد ما عليه ويقسط راعي المغسلة حتى يسدد ما عليه .. لا تستغرب ولا تعجب
هذا يوميات .. اي مواطن صغير

غريب .. يومي كل شيء حولي يشاركني في راتبي .. حتى طموحي صارت سدى
تدري اني اطمح اوفر الف ريال من راتب هالشهر الى الشهر اللي يجي..
بس ما قدرت لانه ما يكفي راتبي ..! ولاني .. انا مواطن صغير

مدري الى متى ياسيدي .. تفكر تنظر حالتي وترحم وحدتي ..
مدري متى ياسيدي .. انام وانا ماعلي دين .. وفي جيبي نص راتبي ..
مدري متى اشتري قطعة ارض .. او ملك بيت (( اما ذي شكلها صعبة )) ..

مدري متى اصير مواطن شهم .. او مواطن كلمته مسموعة
مدري متى يفتح مجلس الشورى باب لنقاش طمواحات المواطنين
( يمكن في عام..9018م)

انا مواطن صغير ..
وطموحي صغيرة ..

كل همي املك بيت .. او قطعة ارض ..
ونام وماعلي دين .. وراتبي يكفي حتى يوم 25الشهر

يمكن .. اذا كبرت ..

الحين انا باقي .. مواطن صغير
جندي فقير .. او فرد عادي
ولا استحق زيادة في راتبي ولا حتى خدمة 3سنوات

عندي اللي يكفيني .. راتب اكثر من راتب الضابط اللي عندنا

وكل شي موفر لي ..

صدقتم... هذا بس كلام

انا مواطن صغير .. جندي فقير




....

كتبه .. قلمي الصغير

تحياتي .. ابو باسل

ـــــــــــــــــــــــــــــــــــــ
التوقيع
عَنْ أَبي هُرَيْرَةَ رَضِيَ اللهُ عَنْهُ أَنَّ رَسُولَ اللهِ صَلَّى اللهُ عَلَيْهِ وَسَلَّمَ قَالَ :
« مَنْ جَلَسَ مَجْلِساً كَثُرَ فِيهِ لَغَطُهُ ، فَقَالَ قَبْلَ أَنْ يَقُومَ مِنْ مَجْلِسِهِ ذَلِكَ : سُبْحَانَكَ اللَّهُمَّ وَبِحَمْدِكَ ، أَشْهَدُ أَنْ لا إِلهَ إِلَّا أَنْتَ أَسْتَغْفِرُكَ وَأَتْوبُ إِلَيْكَ ، إِلَّا غُفِرَ لَهُ مَا كَانَ في مَجْلِسِهِ ذَلِكَ » .



(( سُبْحَانَكَ اللَّهُمَّ وَبِحَمْدِكَ ، أَشْهَدُ أَنْ لا إِلهَ إِلَّا أَنْتَ أَسْتَغْفِرُكَ وَأَتْوبُ إِلَيْكَ ))
أخر مواضيعي
التعديل الأخير تم بواسطة الصقر المهاجر ; 11-01-2011 الساعة 11:57 PM.