قصتي بعدما سمعت خبر ميت عاش هههههههههههههههه
اخواني اخواتي
انتعش الحياة مرة ثانيه وظهر عدنان ولينا 
تذكرت المسلسل الكرتوني عدنان ولينا يوم كنا صغار نتابعه اول باول
مالنا في الطويله 
بحكي لكم قصتي الغريبه بعدما قريت خبر وفاة ميت عاش ( الهوى والنور 
مع الرغم والله ماقد شفته ولا اعرف وين ارضه ولا قد قابلته
ماعرفناه الا في المنتدى نسولف معه فقط لاغير
بعدما قريت الخبر حسيت باني في لحقته خخخخخخ
قلت الموت جاك يا الراس الصغير وانت جالس هنا تضحك وتتريق
بعدها يا اخوان ويا اخواتي والله العظيم لجلست اتذكر نقاشاته وجلست ابحث عن مواضيعه وردوده في المنتدى
واللي اعرفه من مواضيعه وردوده انه يتمتع باخلاق عاليه وهذا اللي خلاني احزن عليه
واعتقد انكم مثلي كذلك حزنتوا وشفت ردودكم وتفاعلكم
المهم
ذاك اليوم انا كنت مداوم وحزنت وصلينا العصر معي واحد في العمل باكستاني مسلم والثاني هندي هندوسي
صلينا العصر انا والباكستاني وخلصنا من الصلاة وقمت انا صليت على الميت صلاة ودعيت له ههههههه
بعد الصلاة عليه سألني الباكستاني وش فيك تصلي صلاة جنازه
قلت هذا واحد كان كاااااااااااااااااااااااااااااان عزيز علينا توفى وانا صليت عليه صلاة الاموات
قال الباكستاني ليش مايقول لي اصلي معك ياشيخ
قلت هاه
والله فعلا ليش ماقلت له نصلي سوى
طيب نصلي مره ثانيه هههههههه
وصلينا عليه صلاة الميت هههههههه
يعني انا صليت عليه مرتين وقسم بلله
ذاك اليوم طبعا حزن من ناحيتي وقلت للزملاء في العمل وتاثروا ومنهم الباكستاني
طلعت من العمل وانا ماشي متجه الى البيت كلها استغفار ودعاوي لنا و للميت ههههههه
مقفله معي طبعا 
وصلت البيت قلت لهم السالفه 
بدون تعليق مايحتاج اقول التفاصيل 
خلال الثلاث ايام تخللها راحه في البيت لان عندي اووف من العمل وفرصه مالي نفس اطلع من البيت
بس اصلي وارجع
وكلما خرجت من البيت اتذكر المذكور
ولو اقلكم على شي ماتصدقون
بكيت عليه وقسم بلله لبكيت عليه قفلت على نفسي داخل الغرفه ودموع اربع اربع
صرت زاهد في الدنيا
اي شي ابغى اسويه اقول باقي نموت ونخليها واترك اللي كنت ابي اسويه
لدرجة ان جوالي جاه فيروس وكنت ناوي اشتري جوال جديد قيمته غاليه
نزلت السوق وعلى شخصي الوقار والحزن والزهد هههههه
دخلت محل واشريت جوال قيمته 190 ريال فقط <<< زاهد الاخ يقول خلاص ماعاد لها طعم الحياة
اهم شي الجوال يكلم ويستقبل رسايل وغلطتي اني شريت ابو كيمره خخخ
حتى من الزهد اللي جاني ماكاسرت في قيمة الجوال قلت يارجال ابنموت ونخليها خخخخخ
اشهدالا اله الا الله
كان الجو بالنسبه لي غريب كل شوي اتذكر الاموات وادعي لهم
الصراحه جاني صدمه قويه
واحس ان فوق راسي غيمه كثيفه ملبده بالاحزان
بس تصدقون ان خلال الفتره اللي راحت زاد ايماني وتغير عندي اشياء كثيره ورب ضرة نافعه
من الامور التي تغيرت عندي
صرت لا ابالي وماعاد لي اي نزقه في الحياة
واليوم بعد ما عرفت الخبر
انتعشت لي الحياة وراحت الغيمه وقلت ايش الخنبقه هذي خخخخخخ
معقوله مقلب
استغفر الله العظيم واتوب اليه
يا الجرح الدفين الله يسامحك
انت سويت فينا البهاذل وانت ماتدري
لدرجة اني ارسلت رساله للعضو اللي نقل الخبر وهذا مضمونها
عزيزي الجرح الدفين
احسن الله عزاكم وارجو لو سمحت ترسل لي رقم اخوان الميت ههههههه
عشان اعزيهم وهذا رقم جوالي
بس ادخل المنتدى ولا رد ولا جاني اي اتصال
استغربت !
قلت اكيد الرجال حزين مثلنا ولا له نفس يعطينا جوال اخوانه
وعذرته وقلت ماشي زحمه
وقلت مالي الا انقطع عن المنتدى كم يوم لكي نراجع فيه انفسنا
والا الارواح بيد الله سبحانه
ادري اني ذكرتكم بالموضوع لاني قريت ردودكم على موضوع الاخ صـقـر الـمـهـاوي ( حسبنآ الله ونعم الوكيل
واالاغلب يقول اعطينا الموضوع اكثر من حجمه وما الومكم والله
بس اللي عمل المقلب هذا غريب جدا
هذا وفي النشرة انباء اخرا متفرقه
وعرفت من خلال دخولي المنتدى انه مقلب واشكر الاخ كاتلوني والاخ نوافوووو على رسايلهم في الخاص
كما اشكر الاخت نسيم السروات والاخت حكايه على اهتمامهم
بس صراحه عرفنا من خلال الردود ان الناس باقي فيها خير واهتمامهم واضح بالتبرع وعمل صدقه جاريه للميت
الله يثيبكم على نياتكم وقسم بلله انكم طيبين
والله والنعم فيكم كلكم
هذا علمي وسلامتكم
كل واحد يقول لنا وش صار له واذا الموضوع مايناسب الغوه يا مشرفين
ـــــــــــــــــــــــــــــــــــــ
التعديل الأخير تم بواسطة الراس الصغير ; 13-01-2011 الساعة 04:21 AM.
|