[طوق الياسمين]

[ALIGN=CENTER][TABLETEXT="width:70%;"][CELL="filter:;"][ALIGN=center]


<< الفيس عند العنوان للتمويه
وماكل موضوع في الاستراحه يعني لازم يكون مضحك




مساء الخير
الصراحة مدري من وين ابدأ أو من وين بانتهي
لكن بأبدأ واللي يصير يصير



عندي مشكلة مدري هي بس فيني والا عندكم نفس الحالة
لأني قررت اروح لشيخ يقرأ علي وإلا طبيب نفسي يشوف وش هالحاله المستعصية اللي عندي

أنا ياجماعة الخير إذا عندي شيء يفرّحني وباسويه ابدأ فيه لين يقرّب يخلص
وفجأة تجي قوة خارقة مدري من السماء أو من اسفل الأرض وينتهي كل اللي سويته
ولا كأنه صار اصلاً !
مثال بسيـــــط وحاضر معي الحين والامثلة فوق 200 مثال بس هذا واحد منها :
كلمتني وحده وقالت لي باسافر دبي ولبنان لمدة اسبوعين وباجيب لك كاتلوجات خاصة بشغل ما
واروح اجهز لها 1000 ريال عشان اعطيها و3000 ريال عشان اعدل عالكتلوجات ونبدأ
وفجأة وبدون سابق إنذار تكنسلت السفرة حقتها بسبب ظرف صحي صابها مع إني جهزت امور كثيرة كثيييرة بهذا الخصوص
هذا وقيسوا عليها باقي حياتي ومعاملاتي .. صرت احس اني نحسه او منحوسه يعني شيء من هذا القبيل


اخرها كيكة احترقت قبل شوي وانا كنت فرحانة باكلها مع القهوة



بس اكتشفت شي لدرجة إني وصلت لقناعة
إني إذا قلت للناس إني باسوي الحاجة الفلانية أو بيصير لي كيت وكيت وهالكيت شي حلو ويفرّح
يتكنسل هالشي ولا كأنه صار ، ورب الكون عجزت افهم ليه اذا قلت للناس اتنكد
وإذا كتمت مواضيعي وسويتها بالسر تتم وانجزها على أكمل وجه
يعني آمنت بحديث الرسول صلى الله عليه وسلم :
(استعينوا على حوائجكم بالكتمان) >> لا أعلم صحة الحديث !


مشكلتي لساني ذا متبري مني ماعرف اكتم شي خاصة انه ماهو سر فليش اخبي
تلقوني اقول لفلانه وعلانه وماعاد اشوف خير .. وما اتوب ، وجربت اني ماحكي لهم وتضبط الامور



بالله قولوا أنكم مثلي لأني قررت اكشف على نفسي قبل انهبل
هالليلة واصله حدي احس إني بانجن


ملاحظه /
الكيكة اللي احترقت كنت اكلم وحده من صحباتي اقول لها سويت كيكه وليتك معي نتقهوى عليها سوى
شوي الا امي تناديني تقول ريحة كيكتك فايحه في البيت واجيها الا وهي تقول "كعمورن" سودااااء تسوء الناظرين[/ALIGN][/CELL][/TABLETEXT][/ALIGN]