رد: سجل دخولك ببيت شعري !!
أنا ما ألعب على الحبلين، وقت الطيش وسنينه
تبين الحين يوم اني كبرت ألعب على الحبلين
ترى عند الحضر بالذات(عيب اللي تسوينه)!!
حلاتك لا عشقتيني.. تعشقيني ليوم الدين
غرام نسكن ضلوعه حشيمه من مجانينه
جفا يجمع معزتنا .. ولا عشق يذل اثنين
كثار اللي تحدوني وقالوا لي : تحبينه
أمانه لا تخليني صغير بعينهم ( تكفـــــين)!!
لأني كل ما قالوا (تخون) .. اقول : مسكينه
عليك الله وامانه.. علميهم منهو المسكيـــن
انا خايف (لياطاح الجمل تكثر سكاكينه)
وانا ما عادت ضلوعي تحمّـل طعنة الســــكين
مثل ما قالوا: (المكتوب واضح من عناوينه)
لو ارحل منك للغربه.. باسافر من ظلامك وين؟
كفايه.. كل حلم يمر برقادي تزورينه
كفايه..من تفارقنا.. وانا ما غمضت لي عـــيــن
قبل يومين شفتك بالمنام وقمت من حينه
ونمت امس ورجع نفس المنام اللي قبل يومين
|